چیئرمین محسن نقوی کی انگلینڈ و ویلز کرکٹ بورڈ کے چیئرمین سے ملاقات

چئیرمین پی سی بی محسن نقوی کی انگلینڈ و ویلز کرکٹ بورڈ کے چیئرمین اور چیف ایگزیکٹو آفیسر سے ملاقات ۔اکتوبر میں پاکستان میں پاک انگلینڈ ٹیسٹ کرکٹ سیریز پر بات چیت

چئیرمین پی سی بی کی چئیرمین انگلینڈ و ویلز کرکٹ بورڈ کو پاک انگلینڈ سیریز پر پاکستان کے دورےکی دعوت

چیمپئنز ٹرافی کرکٹ ٹورنامنٹ کے لئے سٹیڈیمز کی اپ گریڈیشن کے کام کا آغاز کر دیا ہے ۔ کرکٹ ٹیموں کے لئے ہر لحاظ سے فول پروف انتظامات کئے جائیں گے۔ محسن نقوی

لندن1جون،2024۔

چئیرمین پاکستان کرکٹ بورڈ محسن نقوی نے انگلینڈ و ویلز کرکٹ بورڈ کے چیئرمین رچرڈ تھامسن اور چیف ایگزیکٹو آفیسر رچرڈ گولڈ سے ملاقات کی ۔

ملاقات میں حالیہ پاکستان انگلینڈ ٹی ٹوئنٹی کرکٹ سیریز اور ائندہ ہونے والی کرکٹ سیریز پر تبادلہ خیال کیا گیا ۔اکتوبر میں پاکستان میں پاک انگلینڈ ٹیسٹ کرکٹ سیریز پر بھی بات چیت ہوئی۔

چئیرمین پی سی بی محسن نقوی نے چئیرمین انگلینڈ و ویلز کرکٹ بورڈ رچرڈ تھامسن کو پاک انگلینڈ سیریز پر پاکستان کے دورےکی دعوت دی۔

محسن نقوی نے انگلینڈ میں ٹی ٹوئنٹی کرکٹ سیریز کے دوران بہترین انتظامات پر چئیرمین انگلینڈ و ویلز کرکٹ بورڈ کا شکریہ ادا کیا۔ ملاقات میں ٹی ٹوئنٹی ورلڈ کپ کی تیاریوں کے حوالے سےگفتگو بھی کی

اور دونوں چئیرمینز نے ٹی ٹوئنٹی ورلڈ کپ کے لئے ایک دوسرے کے لئے نیک خواہشات کا اظہار بھی کیا ۔ چیئرمین پی سی بی محسن نقوی نے آئندہ برس پاکستان میں چیمپئنز ٹرافی کے انعقاد کے انتظامات کے بارے آگاہ کیا۔

چیرمین پی سی بی محسن نقوی نے بتایا کہ چیمپئنز ٹرافی کرکٹ ٹورنامنٹ کے لئے سٹیڈیمز کی اپ گریڈیشن کے کام کا آغاز کر دیا ہے اور پاکستان میں کرکٹ ٹیموں کے لئے ہر لحاظ سے فول پروف انتظامات کئے جائیں گے۔

انہوں نے کہا کہ کرکٹ کھیل کے ساتھ دلوں کوبھی جوڑتا ہے۔ چئیرمین انگلینڈ و ویلز کرکٹ بورڈ نے چیمپئنز ٹرافی کے حوالے سے پی سی بی کے لئے نیک تمناؤں کا اظہار کیا۔ چیف آپریٹنگ آفیسر پی سی بی سلمان نصیر بھی اس موقع پر موجود تھے۔