برگز گیمز ؛ پاکستان کے ویٹ لفٹر حیدر سلطان نے گولڈ میڈل حاصل کرلیا۔

روس میں ہونے والی برگز گیمز 2024 میں پاکستان کے ویٹ لفٹر حیدر سلطان نے پہلا گولڈ میڈل حاصل کرلیا۔

حیدر سلطان 61 کلو گرام کی کیٹگری میں حصہ لے رہے ہیں،حیدر سلطان نے مجموعی طور پر 261 کلو گرام وزن اٹھایا اور گولڈ میڈل حاصل کرلیا۔

روس میں منعقدہ برگز گیمز 2024 میں یہ کسی بھی پاکستانی کھلاڑی کی طرف سے پہلا گولڈ میڈل ہے،ویٹ لفٹر حیدر سلطان کا تعلق گوجرانوالہ سے ہے۔

واضح رہے برگز گیمز میں پاکستان کے متعدد کھلاڑی مختلف گیمز میں حصہ لے رہے ہیں۔