ٹی20 ورلڈ کپ ؛ بنگلہ دیش نے نیدر لینڈز کو 25 رنز سے شکست دے دی۔

انٹرنیشنل کرکٹ کونسل (آئی سی سی) ٹی20 ورلڈ کپ 2024 کے 27 ویں میچ میں بنگلہ دیش نے نیدر لینڈز کو25 رنز سے شکست دے دی۔

نیدر لینڈز کی ٹیم مقررہ 20 اوورز میں 8 وکٹوں کے نقصان پر134رنز ہی بنا سکی۔

بنگلہ دیش کے 160 رنز کے ہدف کے تعاقب میں نیدر لینڈز نے اننگز کا آغاز کیا تو اس کی پہلی وکٹ 22 کے مجموعی اسکور پر گری جب مائیکل لیویٹ 18 رنز بنا کر آؤٹ ہو گئے،

کنگسٹن میں شیڈول میگا ایونٹ کے 27 ویں میچ سے قبل بارش شروع ہو گئی جس کے سبب ٹاس تاخیر کا شکار ہوا، بارش تھمنے کے بعد نیدر لینڈز نے ٹاس جیت کر فیلڈنگ کا فیصلہ کیا۔

بنگلہ دیش نے پہلے کھیلتے ہوئے مقررہ 20 اوورز میں 5 وکٹوں کے نقصان پر 160 رنز بنائے، شکیب الحسن نے طوفانی اننگز کھیلتے ہوئے 46 گیندوں پر 64 رنز بنائے، اوپنر تنزید حسن 35، محمداللہ 25 رنز بنا کر نمایاں رہے۔

نیدرلینڈز کی جانب سے سائبرینڈ اینگل بریخٹ 35 رنز بنا کر نمایاں رہے، وکرمجیت سنگھ 26، کپتان سکاٹ ایڈورڈز 25، مائیکل لیوٹ 18، میکس او ڈوڈ 12، لوگن وین بیک 2، ٹم پرنگل 1 اور باس ڈی لیڈ 0 رن بنا کر آؤٹ ہوگئے۔

بنگلہ دیش کی جانب سے رشاد حسین نے 3، مستفیظ الرحمان، تنظیم حسن ثاقب، تسکین احمد اور محمد اللہ نے 1، 1 وکٹ حاصل کی۔

بنگلہ دیش پلیئنگ الیون ; تنزید حسن، لٹن داس (وکٹ کیپر)، نجم الحسن شانتو (کپتان)، توحید ہردوئے، شکیب الحسن، محمود اللہ، جیکر علی، رشاد حسین، تنظیم حسن، تسکین احمد اور مستفیض رحمان شامل ہیں۔

نیدرلینڈز پلیئنگ الیون ; مائیکل لیویٹ، میکس او ڈاؤڈ، وکرمجیت سنگھ، سائبرینڈ اینجل بریکٹ، سکاٹ ایڈورڈز (کیپٹن، ڈبلیو کے)، باس ڈی لیڈ، لوگن وین بیک، ٹم پرنگل، آرین دت، پال وین میکرین، ویوین کنگما شامل ہیں۔