ٹی 20 ورلڈ کپ میں شرمناک شکست کے بعد پاکستانی ٹیم کی وطن واپسی

پاکستان کرکٹ ٹیم ورلڈ کپ میں شکست کے بعد امریکی ریاست فلوریڈا سے وطن واپسی کے لیے روانہ ہو گئی اور رپورٹس کے مطابق پاکستان کے 6 کھلاڑی ٹیم کے ساتھ سفر نہیں کر رہے،

جو کھلاڑی ٹیم کے ساتھ سفر نہیں کر رہے، ان میں کپتان بابر اعظم، حارث رؤف، عماد وسیم، اعظم خان اور محمد عامر شامل ہیں۔

پہلے مرحلے میں وطن واپس آنے والے کھلاڑیوں میں محمد رضوان، صائم ایوب، فخر زمان، عثمان خان، شاداب خان، عباس آفریدی، شاہین شاہ آفریدی، نسیم شاہ اور ابرار احمد شامل ہیں۔

فلوریڈا سے وطن واپسی کے لیے روانہ ہونے والا کھلاڑیوں کا پہلا گروپ کل (بدھ) 19 جون کو براستہ دبئی پاکستان پہنچے گا اور کھلاڑی اپنے اپنے گھروں کو روانہ ہوں گے۔

بابر اعظم 22 جون کو وطن واپس آئیں گے، محمد عامر ایک دو روز میں ڈربی شائر جوائن کرنے انگلینڈ جائیں گے۔