سکاٹ لینڈ کے بولر نے نیا ریکارڈ قائم کر دیا۔

سکاٹ لینڈ کے فاسٹ بولر چارلی کیسیل نے ایک روزہ میچ میں ڈیبیو کرتے ہوئے نیا ریکارڈ قائم کر دیا۔

آئی سی سی مینز کرکٹ ورلڈ کپ لیگ ٹو کے میچ میں چارلی کیسیل ڈیبیو پر سب سے زیادہ وکٹیں لینے والے بولر بن گئے ہیں۔

چارلی کیسیل نے عمان کے خلاف میچ میں 21 رنز دے کر 7وکٹیں حاصل کیں۔میچ میں سکاٹ لینڈ نےکامیابی حاصل کی اورانہیں میچ کا بہترین کھلاڑی قرار دیا گیا۔

واضح رہے اس سے قبل 2015میں جنوبی افریقہ کے فاسٹ بولر کگیسو رباڈا نے بنگلا دیش کے خلاف 16 رنز دے کر 6 وکٹیں حاصل کی تھیں۔