سری لنکا کا بھارت کے خلاف ٹی ٹوئنٹی سیریز کے لیے اسکواڈ کا اعلان

سری لنکا نے چارتھ اسالنکا کی قیادت میں بھارت کے خلاف ٹی ٹوئنٹی سیریز کے لیے 16 رکنی اسکواڈ کا اعلان کردیا۔

سری لنکن کرکٹ بورڈ کی جانب سے بھارت کے خلاف 3 میچز پر مشتمل ٹی ٹوئنٹی سیریز کے لیے اسکواڈ کا اعلان کردیا۔ بھارت کے خلاف سری لنکن ٹیم کی قیادت اس مرتبہ چارتھ اسالنکا کریں گے۔

سری لنکن اسکواڈ میں پاتھم نسانکا، کسال پریرا، اوشکا فرننڈو، کسال مینڈس، دنش چندیمل، کمندو مینڈس، ڈاسن شناکا، وانندو ہسارنگا، مہیش ٹھیکشانا، وکرمسنگھے اور متھیشا پتھیرانا شامل ہیں۔

دیگر کھلاڑیوں میں نوان تھشارا، ڈیونتھ ویلالاگے، دشمانتا چمیرا اور بنورا فرننڈو شامل ہیں۔

بھارت اور سری لنکا کے درمیان ٹی ٹوئنٹی میچز 27، 28 اور 30 جولائی کو پالیکلے میں کھیلے جائیں گے۔ سوریا کمار یادیو کی کپتانی میں بھارتی اسکواڈ کا اعلان پہلے ہی کیا جاچکا ہے۔