کراچی میں یوم آزادی پر "رن فار پاکستان” دوڑ نے قوم کو متحد کیا

کراچی میں یوم آزادی پر ‘رن فار پاکستان’ دوڑ نے قوم کو متحد کیا

کراچی، 14 اگست، 2024  ; نوازگوھر

اس یوم آزادی پر دنیا بھر سے غیر ملکی کھلاڑیوں سمیت 800 سے زائد شرکاء پولو گراؤنڈ (باغ جناح) میں پاکستان میں کھیلوں کے "رن فار پاکستان” ایونٹ میں شرکت کی۔

ایونٹ میں 7KM کا ایک خوبصورت لوپ کورس پیش کیا گیا جس نے رنرز کو کراچی کے مشہور مقامات کاایک دورہ کروایا جس میں I.I. چندریگر روڈ، مقامی جیٹی، اور M.T. خان روڈ شامل ہے ۔ڈپٹی کمشنر کراچی ساؤتھ کیپٹن (ر)الطاف ساریو اس ایونٹ کے مہمان خصوصی تھے۔

شرکاء کے پاس مختلف فاصلوں میں سے ایک کا انتخاب کرنے کا اختیار تھا جس میں شامل تھا 21.1K (ہاف میراتھن)، 14K، 7K، اور 1K (واک) – اس تقریب کا مقصد پاکستانیوں کے درمیان اتحاد، صحت اور فٹنس کو اجاگر کرنا تھااور ساتھ ہی ساتھ بین الاقوامی بھائی چارہ اور کھیل کے جذبے کو بھی فروغ دینا تھا۔

اسپورٹس ان پاکستان کے سی ای او شعیب نظامی نے کہا ہے کہ ‘رن فار پاکستان’ میں شرکاء کے جوش وخروش کو دیکھ کر بہت خوشی ہوئی جو کو یومِ آزادی کے دن قومی اتحاد کے جذبے کی ؑعکاسی کرتا ہے ۔

یہ ایونٹ اس حقیقت کا منہ بولتا ثبوت ہے کہ کھیل لوگوں کو اکٹھا کرنے اور مثبت تبدیلی کی ترغیب دینے کی طاقت رکھتے ہیں۔ ہمیں یہ دیکھ کر خاص طور پر خوشی ہوتی ہے کہ غیر ملکی ایتھلیٹس بہت جوش و خروش سے ہمارے جشن آزادی میں حصہ لیتے ہیں۔ جو کہ اس ایونٹ کو ایک عالمی ایونٹ بنا رہا ہے۔

بین الاقوامی ایتھلیٹس کی موجودگی نے ایونٹ کو یادگار بنا دیا ہے جس سے مختلف پس منظر سے تعلق رکھنے والے شرکاء کے درمیان ثقافتی تبادلے اور کھیلوں کے اشتراک کو فروغ ملا۔