پاکستان بنگلہ دیش ٹیسٹ سیریز، عامر جمال قومی اسکواڈ سے ریلیز

پاکستان بنگلہ دیش ٹیسٹ سیریز سے قبل فاسٹ باؤلر عامر جمال کو اسکواڈ سے ریلیز کردیا گیا۔

پاکستان کرکٹ بورڈ (پی سی بی) کے مطابق عامر جمال کی بنگلہ دیش کے خلاف سیریز کے لیے اسکواڈ میں شمولیت فٹنس سے مشروط تھی۔ عامر جمال کو اب نیشنل کرکٹ اکیڈمی میں فٹنس پر کام کرنے کے لیے کہا گیا ہے۔

پی سی بی نے بتایا ہے کہ عامر جمال کمر کی تکلیف سے ریکور کر رہے ہیں، اُنہیں کمر کی تکلیف کاونٹی کرکٹ کے دوران ہوئی تھی۔

خیال رہے کہ اس سے قبل ٹیسٹ اسکواڈ سے کامران غلام اور ابرار احمد کو پہلے ہی ریلیز کیا جا چکا ہے۔ دونوں کھلاڑی اب پاکستان شاہینز کی نمائندگی کر رہے ہیں۔

پاکستان اور بنگلا دیش کے درمیان پہلا ٹیسٹ 21 اگست اور دوسرا 30 اگست کو راولپنڈی کرکٹ اسٹیڈیم میں کھیلا جائے گا۔

بنگلہ دیش ٹیسٹ سیریز کے لیے پاکستانی اسکواڈ:

شان مسعود (کپتان)، سعود شکیل (نائب کپتان)، عبداللہ شفیق، بابر اعظم، خرم شہزاد، میر حمزہ، محمد علی، محمد ہریرہ، محمد رضوان (وکٹ کیپر)، نسیم شاہ، صائم ایوب، سلمان علی آغا، سرفراز احمد (وکٹ کیپر) اور شاہین شاہ آفریدی