چوتھی انٹر ڈیپارٹمنٹ نیشنل باکسنگ چمپئن شپ 25 اگست سے ایبٹ آباد میں شروع ہوگی

چوتھی انٹر ڈیپارٹمنٹ نیشنل باکسنگ چمپئن شپ 25 اگست سے ایبٹ آباد میں شروع ہوگی

ایبٹ آباد: چوتھی انٹر ڈیپارٹمنٹ نیشنل باکسنگ چمپئن شپ 25تا31اگست ایبٹ آباد میں منعقد ہوگی
جس میں پاکستان باکسنگ فیڈریشن سے الحاق شدہ تمام محکموں کی ٹیموں کے کھلاڑی شریک ہونگے۔چمپئن شپ کیلئے کمیٹی کا اعلا ن کردیا ہے ۔

پاکستان باکسنگ فیڈریشن کے زیر اہتمام انٹر ڈیپارٹمنٹ باکسنگ چمپئن شپ 25تا31اگست ایبٹ آباد میں منعقدہ ہوگی۔اس میگا ایونٹ میں پاکستان آرمی ،پاکستان واپڈا،پی اے ایف ،پاکستان ریلوے ،پولیس ،

کراچی پورٹ ٹرسٹ (کے پی ٹی)،پاکستان باکسنگ فیڈریشن(پی بی ایف) اور ہائیرایجوکیشن کمیشن(ایچ ای سی ) سمیت تمام ملحقہ الحاق شدہ ڈیپارٹمنٹ کی ٹیمیں حصہ لیںگی۔

پاکستان باکسنگ فیڈریشن کی جانب سے جاری لیٹر کے مطابق اس چمپئن شپ کیلئے اعلان کردہ ارگنائزنگ کمیٹی کے چیئر مین پاکستان باکسنگ فیڈریشن کے ایگزیکٹیونائب صدر محمداصغر خان جبکہ اراکین میں میجر عرفان یونس،

خیبر پختونخواباکسنگ ایسوسی ایشن کے سیکرٹری جنرل خیضر اللہ جان،چیئرمین پاکستان باکسنگ اتھلیٹ کمیشن اویس علی خان اور میجر (ر)محمد ریاض شامل ہیں۔ اس چمپئن شپ کیلئے تمام تر تیاریاں شروع کردی ہیں۔