راولپنڈی ٹیسٹ کا دوسرا دن ، پاکستان کی پہلی اننگز 448 پر ڈکلیئر، سعود اور رضوان کی سنچریاں

راولپنڈی ٹیسٹ کے دوسرے دن پاکستان نے بنگلادیش کے خلاف پہلی اننگز 448 رنز پر ڈکلیئر کردی۔

محمد رضوان 171 رنز بنا کر ناقابلِ شکست رہے جبکہ سعود شکیل نے 141 رنز کی عمدہ اننگز کھیلی۔

پاکستان اور بنگلہ دیش کے درمیان ٹیسٹ کرکٹ سیریز کے پہلے میچ کے دوسرے روزکا کھیل ختم ہو گیا ہے،

بنگلہ دیش نے پاکستان کی پہلی اننگز 448 رنز کے جواب میں 12 اوورز کھیل کر بغیر کسی نقصان کے 27 رنز بنا لیے ہیں۔

بنگلہ دیش کی جانب سے اننگز کا آٰغاز شادمان اسلام اور ذاکر حسین نے کیا، شادمان حسین اس وقت 12 جب کہ ذاکر حسین 11 رنز پر کھیل رہے ہیں۔ بنگلہ دیش تیسرے روز کے کھیل میں جمعہ 23 اگست کو 27 رنزسے اپنی اننگز کا آغاز کرے گا۔

اس سے قبل محمد رضوان اور سعود شکیل نے پانچویں وکٹ پر 240 رنز کی شراکت بنائی، سعود شکیل 141 رنز بناکر آؤٹ ہوئے۔ انہیں مہدی حسن میراز نے آؤٹ کیا۔

اس کے بعد 16 رنز بنانے والے سلمان علی آغا نے محمد رضوان کا ساتھ دیا، دونوں کے درمیان 44 رنز کی پارٹنر شپ بنی، سلمان کو شکیب الحسن نے میدان بدر کیا۔

اس کے بعد پاکستان کی کوئی وکٹ نہ گری، محمد رضوان 171 اور شاہین شاہ آفریدی 29 رنز کے ساتھ ناقابل شکست رہتے ہوئے واپس پویلین آئے۔

بنگلادیش کی جانب سے شرف الاسلام اور حسن محمود نے دو دو وکٹیں حاصل کیں جبکہ مہدی حسن میراز اور شکیب الحسن نے ایک ایک کھلاڑی کو آؤٹ کیا۔

اس سے قبل ٹیسٹ میچ کے پہلے دن کپتان شان مسعود 6 رنز، بابر اعظم صفر، عبداللہ شفیق 2 اور صائم ایوب 56 رنز بنا کر آؤٹ ہوئے تھے۔