مکسڈ مارشل آرٹس ؛ پاکستانی "ایمان خان” نے بھی گولڈ میڈل جیت لیا

مکسڈ مارشل آرٹس ایشین چیمپئن شپ کے مقابلوں میں پاکستان کی ایمان خان نے گولڈ میڈل جیت لیا۔

ایمان خان نے سینئر ویمن فلائی ویٹ 56.7 کلوگرام کیٹگری میں قازقستان کی دینارا آیاپووا کو ناک آؤٹ کیا،

ایمان خان نے دینارا آیاپووا کو پہلے ہی راؤنڈ میں ناک آؤٹ کرکے فتح حاصل کی، ایمان خان نے پاکستان کے لئے دوسرا گولڈ میڈل جیتا۔

ایمان خان کی گفتگو ; ایونٹ میں کامیابی کے بعد گفتگو کرتے ہوئے ایمان خان کا کہنا تھا کہ میں نے اس ایونٹ کے لیے تین سال سے زیادہ محنت کی ہے، بانو بٹ نے بھی گولڈ جیتا ہے، ان کو مبارک باد پیش کرتی ہوں۔

ایمان خان کا کہنا تھا کہ میں چاہتی ہوں ایم ایم اے اور دیگر سپورٹس میں بھی پاکستان کا نام روشن کرتے رہیں ۔

واضح رہے کہ اس سے پہلے پاکستان کی بانو بٹ ویمن کیٹیگری میں گولڈ میڈل جیت چکی ہیں۔