جنوبی افریقہ ویمنز کرکٹ ٹیم ملتان پہنچ گئی

جنوبی افریقہ ویمنز کرکٹ ٹیم ملتان میں مقامی ہوٹل پہنچ گئی۔

جنوبی افریقہ ویمنز کرکٹ ٹیم کا روایتی انداز میں استقبال کیا گیا۔

 مہمان ٹیم تین ٹی ٹوئنٹی انٹرنیشنل میچز کھیلے گی

مہمان ٹیم آج آرام کرے گی جبکہ پاکستان ویمنز ٹیم آج ساڑھے تین بجے انضمام الحق کرکٹ اکیڈمی میں ٹریننگ کرے گی۔

پاکستان اور جنوبی افریقہ ویمنز ٹیموں کے درمیان تین میچوں کی ٹی ٹوئنٹی سیریز کا آغاز 16 ستمبر سے ہوگا۔

جنوبی افریقہ ویمنز کرکٹ ٹیم پاکستان کے دورے پر، کپتان لورا وولوارٹ کی قیادت میں علامہ اقبال انٹرنیشنل ایئرپورٹ لاہور پہنچ گئی۔ جنوبی افریقہ ویمنز ٹیم جوہانسبرگ سے براستہ دبئی لاہور پہنچی۔

جنوبی افریقہ ویمنز ٹیم لاہور سے بذریعہ چارٹرڈ فلائٹ ملتان روانہ ہو گی۔

مہمان ٹیم پاکستان ویمنز ٹیم کے خلاف 16، 18 اور 20 ستمبر کو ملتان کرکٹ اسٹیڈیم میں تین ٹی ٹوئنٹی انٹرنیشنل میچز کھیلے گی۔