سنوکر ورلڈ کپ ; مائیکل جارگیو اسجد کو شکست دے کر فائنل میں پہنچ گئے

منگولیا میں جاری سنوکر ورلڈکپ کے سیمی فائنل میں قبرص کے مائیکل جارگیو اسجد کو شکست دے کر فائنل میں پہنچ گئے۔

پاکستانی کیوئسٹ اسجد اقبال جو پورے ٹورنامنٹ میں شاندار کارکردگی کا مظاہرہ کرتے ہوئے سیمی فائنل میں پہنچے تھے۔ اس ناک آؤٹ میچ میں بھی حریف قبرص کے مائیکل جارگیو کا سخت مقابلہ کیا۔

اسجد نے دو صفر کے خسارے سے نکل چار تین کی برتری حاصل کی، مگر آٹھویں فریم میں شکست ہو گئی۔
اسجد اقبال کوارٹر فائنل میں چین کے گاؤ یانگ کو شکست دے کر سیمی فائنل میں پہنچے تھے

اور اس میچ میں ان کی کامیابی کا اسکور 0-76، 64-25، 135-0، 34-81، 64-65، 69-50 اور 50-69 رہا تھا۔

ایک اور کوارٹر فائنل میں پاکستان کے اویس منیر کو ایران کے علی گراگزولو کے ہاتھوں چار، دو سے شکست کا سامنا کرنا پڑا تھا۔