افغانستان نے جنوبی افریقہ کو دوسرے ون ڈے میں شکست دیکر سیریز اپنے نام کرلی

 افغانستان نے جنوبی افریقہ کو دوسرے ون ڈے میں 177رنز سے شکست دے دی۔

افغانستان کی جانب سے رحمان اللہ گرباز105 اورعظمت اللہ عمر زئی 86 رنز بنا کر نمایاں رہے، رحمت شاہ نے 50 اور ریاض حسن نے 29 بنائے۔
افغانستان نے رحمان اللہ گرباز کی جارحانہ سنچری اور راشد خان کی 5 وکٹوں کی بدولت جنوبی افریقہ کو 177 رنز سے شکست دے کر 3 ون ڈے میچوں کی سیریز اپنے نام کرلی اور ساتھ ہی دُنیائے کرکٹ کی تاریخ میں بڑا اَپ سیٹ بھی کر دیا۔

افغانستان کے 312رنز کے ہدف کے تعاقب میں جنوبی افریقہ کی ٹیم 134 رنز پر ڈھیر ہو گئی، جنوبی افریقہ کی جانب سے ٹیمبا بووما 3 8اور ٹونی ڈی زورزی 31 رنز بنا کر نمایاں رہے۔

افغانستان کی جانب سے راشد خان نے 5 اور ننگیالیہ کھروٹے نے 4وکٹیں حاصل کیں، افغانستان نے تین میچوں کی سیریز میں دو صفر کی ناقابل شکست برتری حاصل کر لی، افغانستان کی ٹیم نے پہلے بیٹنگ کرتے ہوئے 4وکٹوں کے نقصان پر 311رنز بنائے تھے

بیٹنگ کے دوران ہیمسٹرنگ انجری کا شکار ہونے کے باوجود راشد خان نے 9 اوورز میں 19 رنز دے کر 5 وکٹیں حاصل کیں جبکہ بائیں ہاتھ کی اسپنر ننگیلیا کھروٹے نے 26 رنز دے کر 4 وکٹیں حاصل کیں۔