خیبرپختونخوا سپورٹس فیسٹول چارسدہ میں شروع ہوگئی

خیبرپختونخوا سپورٹس فیسٹول چارسدہ میں شروع ہوگئی

ڈسٹرکٹ سپورٹس آفس چارسدہ کے زیراہتمام سپورٹس فیسٹول عبدالولی خان سپورٹس کمپلیکس چارسدہ میں شروع ہوگئی جس میں آل خیبرپختونخوا ٹیبل ٹینس چیمپئن شپ ، فل کنٹکٹ کراٹے اور آرچری کے میل وفیمیل مقابلے شامل ہیں ۔

فیسٹول کا باجابطہ افتتاح اسسٹنٹ کمشنر چارسدہ ریاض احمد نے کیا ان کے ہمراہ ڈسٹرکٹ سپورٹس آفیسر مشعل ملک ، صوبائی ٹیبل ٹینس ایسوسی ایشن کے سینئر نائب صدر کفایت اﷲ ،

فل کنٹکٹ کراٹے ایسوسی ایشن کے چیئر مین صاحبزادہ الہادی ، اسسٹنٹ ڈائریکٹر سپورٹس ارشاد خان ، سابقہ ڈی ایسو او تحسین اﷲ سمیت دیگر اہم شخصیات موجود تھے ۔

ضلعی انتظامیہ اور ڈسٹرکٹ سپورٹس آفس چارسدہ کے زیراہتمام عبدالولی خان سپورٹس کمپلیکس چارسدہ میں آل خیبرپختونخوا فل کنٹکٹ کراٹے چیمپئن شپ ، خیبرپختونخوا ٹیبل ٹینس چیمپئن شپ اور ڈسٹرکٹ چارسدہ آرچری چیمپئن شپ کے مقابلے شروع ہوگئے

گزشتہ ٹیبل ٹینس کے مقابلوں میں ٹیم ایونٹ میں ڈی آئی خان نے مردان کو تین ایک سے شکست دی جبکہ پشاور نے ایبٹ آباد کو تین ایک سے شکست دیکر اگلے راﺅنڈ کیلئے کوالیفائی کیا ۔ فیسٹول تین دن تک جاری رہےگا