پاکستان شاہینز کا ٹریننگ کیمپ 15 اکتوبر تک کراچی میں جاری رہے گا

پاکستان شاہینز ٹریننگ کیمپ – حنیف محمد ہائی پرفارمنس سنٹر کراچی

اے سی سی مینز ایمرجنگ ٹیمز ٹی ٹوئنٹی ایشیا کپ کی تیاری کے لئے پاکستان شاہینز کے ٹریننگ کیمپ کا دوسرا روز

کپتان محمد حارث سمیت احمد دانیال، زمان خان، محمد عمران جونیئر، یاسر خان، سفیان مقیم اور حیدر علی کیمپ میں موجود۔ لیفٹ آرم اسپنر مہران ممتاز نے بھی پاکستان شاہینز کیمپ کو جوائن کر لیا، بقیہ سات کھلاڑی بھی کل سے ٹریننگ کا آغاز کریں گے۔

کھلاڑیوں نے ہیڈ کوچ عمر رشید، بیٹنگ کوچ عمران فرحت اور فیلڈنگ کوچ رفعت اللہ مہمند کی نگرانی میں بیٹنگ، بائولنگ اور فیلڈنگ سیشنز میں حصہ لیا۔

پاکستان شاہینز کا ٹریننگ کیمپ 15 اکتوبر تک کراچی میں جاری رہے گا۔

پاکستان شاہینز ٹیم 16 اکتوبر کو کراچی سے اومان روانہ ہوگی جہاں پر 19 اکتوبر کو انڈیا کے خلاف اپنا پہلا میچ کھیلے گی جبکہ 21 اکتوبر کو میزبان اومان اور 23 اکتوبر کو متحدہ عرب امارات کے خلاف بقیہ گروپ میچز کھیلے گی۔