کمشنر کراچی کھیلوں کی دو تقاریب میں مہمان خصوصی ہونگے۔ غلام محمد خان

کمشنر کراچی کھیلوں کی 2 تقاریب میں مہمان خصوصی ہونگے۔ غلام محمد خان

نابیناوں کے عالمی دن کے موقع پر کرکٹ میچ اور

ککری گراونڈ میں کراٹے چیمپین شپ کی تقریب تقسیم انعامات ہوگی

کراچی (اسپورٹس لنک) کمشنر کراچی سید حسن نقوی منگل 15 اکتوبر کو کھیلوں کی 2 تقاریب میں مہمان خصوصی ہونگے، یہ اعلان کمشنر کراچی کے ڈائریکٹر اسپورٹس غلام محمد خان نے ایک اعلامیے میں کی،

پہلی تقریب کراچی جیمخانہ کرکٹ گراونڈ پر 4 بجے شام منعقد ہوگی جس میں نابیناوں کے عالمی دن کے موقع پر بلائینڈ کرکٹ میچ کی تقسیم انعامات ہوگی

جس کو بینائی ایجوکیشن فاونڈیشن اور کراچی بلائینڈ کرکٹ کلب نے آرگنائز کیا ہے اور اس میچ کو کمشنر کراچی نے اسپانسر کیا ہے، دوسری تقریب 7:30 بجے رات ککری گراونڈ کراٹے سینٹر پر شاہ عبدالطیف بھٹائی کراٹے چیمپین شپ کی تقریب تقسیم انعامات ہوگی،

ان تقاریب میں کراچی جیمخانہ کے صدر اطہر علی خان، احمد علی راجپوت، اصغر بلوچ، سلمان الہی، عبدالحمید بلوچ کے علاوہ اعلیٰ سول و فوجی افسران شرکت کرینگے،

درین اثناء غلام محمد خان نے کراچی شوٹنگ بال ایسوسی ایشن کے سیکریٹری اعجاز احمد قریشی کے ہمراہ دونوں پروگراموں کے منتظمین سے ملاقات کی اور انتظامات کے حوالے سے تبادلہ خیال کیا،

اس موقع پرعبدالحمید بلوچ نے بتایا کہ کمشنر کراچی کا ککری گراونڈ آمد پر فقیدالمثال استقبال کیا جائے گااور کھیلوں کی مختلف تنظیموں انٹرنیشنل کراٹے ریفری عبدالرحیم کی قیادت میں کمشنر کراچی کا استقبال کرینگی۔