SportsLink PK Latest Sports News in Urdu
قائداعظم ٹرافی کرکٹ ٹورنامنٹ کا آغاز 26 اکتوبر کو ہوگا۔
شیڈول کا اعلان جلد کردیا جائے گا۔
ٹورنامنٹ میں سولہ ریجنز کی اٹھارہ ٹیمیں حصہ لیں گی۔کراچی وائٹس دفاعی چیمپئن ہے۔
ہم اپنے ڈومیسٹک کرکٹ کے ڈھانچے کو مضبوط بنانے کے لیے پرعزم ہیں۔عبداللہ خرم نیازی۔
قائداعظم ٹرافی کے ذریعے بہترین ٹیلنٹ سامنے آتا ہے۔ عبداللہ خرم نیازی۔
لاہور 22 اکتوبر ; پاکستان کرکٹ کے سب سے بڑے فرسٹ کلاس ٹورنامنٹ قائداعظم ٹرافی کا 26 اکتوبر سے آغاز ہوگا جس کا اختتام 19 دسمبر کو ہوگا۔ ٹورنامنٹ میں 16 ریجنز کی 18 ٹیمیں حصہ لیں گی۔
18 ٹیموں میں ایبٹ آباد ریجن، اے جے کے ریجن، بہاولپور ریجن، ڈیرہ مراد جمالی ریجن، فیصل آباد ریجن، فاٹا ریجن، حیدرآباد ریجن، اسلام آباد ریجن، کراچی ریجن بلوز، کراچی ریجن وائٹس، لاہور ریجن وائٹس، لاہور ریجن بلوز، لاڑکانہ ریجن ، ملتان ریجن ۔ پشاور ریجن، کوئٹہ ریجن، راولپنڈی ریجن اور سیالکوٹ ریجن شامل ہیں۔
کراچی وائٹس اپنے اعزاز کا دفاع کرے گی ۔ اس نے 22 سے 26 اکتوبر 2023 تک قذافی اسٹیڈیم میں ہونے والے فائنل میں سرفراز احمد کی قیادت میں فیصل آباد ریجن کو 456 رنز سے شکست دی تھی ۔
عبداللہ خرم نیازی، ڈائریکٹر ڈومیسٹک کرکٹ آپریشنز کا کہنا ہے کہ قائد اعظم ٹرافی پاکستان میں ڈومیسٹک کرکٹ کے بلند ترین مقام پر ہے
کیونکہ یہ صرف ایک ٹورنامنٹ نہیں ہے بلکہ ایک ایسا ایونٹ بھی ہے جو ملک بھر میں بے پناہ ٹیلنٹ کو ظاہر کرتا ہے اور انہیں بین الاقوامی کرکٹ کے چیلنجز کے لیے تیار کرتا ہے ۔
ہمیشہ کی طرح ہم کھلاڑیوں کو بہترین ممکنہ پلیٹ فارم فراہم کرتے رہیں گے تاکہ وہ ڈومیسٹک کرکٹ کے سب سے بڑے اسٹیج پر اپنی صلاحیتوں کا مظاہرہ کریں ۔ یہ کھلاڑی ملک کے بہترین کھلاڑیوں کے ساتھ ہونگے۔
اس سے قبل ہم نے ایک کامیاب چیمپئنز ون ڈے کپ کا مظاہرہ کیا ۔ہم اپنے ڈومیسٹک ڈھانچے کو مضبوط بنانے کے لیے پوری طرح پرعزم ہیں اور قائداعظم ٹرافی کا کامیاب انعقاد اس عزم کا مرکز ہے۔
