پی سی بی ریجنل انٹر کلب کر کٹ ٹورنامنٹ ؛ پاکستان کرکٹ کلب نے فائنل کھیلنے کا اعزاز حاصل کر لیا۔

پی سی بی ریجنل انٹر کلب کر کٹ ٹورنامنٹ( کراچی ریجن )

پاکستان کرکٹ کلب نے فائنل کھیلنے کا اعزاز حاصل کر لیا۔

عثمان خان کی شاندار سینچر ی ۔

کراچی (سپورٹس لنک رپورٹ) پاکستان کرکٹ بورڈ کے زیر اہتمام منعقد کردہ پی سی بی ریجنل انٹر کلب کر کٹ ٹورنامنٹ (کراچی ریجن ) کے پہلے سیمی فائنل میں کے سی سی اے اسٹڈیم پر پاکستان کرکٹ کلب نے داؤد اسپورٹس کو 173 رنز سے شکست دے کر فائنل کھیلنے کا اعزاز حاصل کر لیا۔

پاکستان کرکٹ کلب نے پہلے بیٹنگ کرتے ہوئے 7 وکٹوں کے نقصان پر 283 رنز بنائے۔ انٹر نیشنل کرکٹر عثمان خان نے شاندار بیٹنگ کرتے ہوئے 25 چوکوں 3 چھکوں کی مدد سے 124 ، خواجہ محمد نافع نے 2 چوکوں 3 چھکوں کی مدد سے 69، رمیز عزیز نے 3 چوکوں ایک چھکے کی مدد سے 47 اور دانش عزیز نے 18 رنز بنائے۔

طحہٰ وقار نے 44 رنز دیکر 3 اور جواد احمد نے 2 کھلاڑیوں کو آؤٹ کیا۔ جواب میں داؤد اسپورٹس 113 رنز بنا کر آؤٹ ہوگئی۔ ذاکر ملک نے 2 چوکوں 3 چھکوں کی مد د 42 اور نور ولی نے 25 رنز بنائے۔

دانش عزیز نے 26 رنز دیکر 3، جبکہ عارش علی خان اور محمد اصغر نے 2-2 کھلاڑیوں کو آؤٹ کیا۔ ٹورنامنٹ کا دوسرا سیمی فائنل محمد حسین کرکٹ کلب اور ناظم آباد جیمخانہ بلوز کے درمیان آج بروز جمعرات کے سی سی اے اسٹڈیم پر کھیلا جائے گا۔