محمد حسین کرکٹ کلب پی سی بی ریجنل انٹر کلب کر کٹ ٹورنامنٹ کے فائنل میں پہنچ گئی

محمد حسین کرکٹ کلب پی سی بی ریجنل انٹر کلب کر کٹ ٹورنامنٹ کے فائنل میں پہنچ گئی ۔”

کراچی (سپورٹس لنک رپورٹ) پاکستان کرکٹ بورڈ کے زیر اہتمام منعقد کردہ پی سی بی ریجنل انٹر کلب کرکٹ ٹورنامنٹ ( کراچی ریجن ) میں کھیلے گئے

دوسرے سیمی فائنل میچ میں گزشتہ روز نیا ناظم آباد اسٹیڈیم پر محمد حسین کرکٹ کلب نے ناظم آباد جیمخانہ بلوز کو 83 رنز سے شکست دے کر فائنل کھیلنے کا اعزاز حاصل کر لیا۔ محمد حسین کرکٹ کلب نے پہلے بیٹنگ کرتے ہوئے مقررہ 40 اوورز میں 7 وکٹوں کے نقصان پر 226 رنز بنائے۔

خان شاہ نے شاندار بیٹنگ کرتے ہوئے 3 چوکوں اور 5 چھکوں کی مدد سے 64، عاقب رضوی نے 2 چوکوں 3 چھکوں کی مدد سے 45 اور شہزر محمد نے 2 چوکوں اور 2 چھکوں کی مدد سے 43 رنز بنائے۔

قادر خان اور فواد خان نے 2-2 کھلاڑیوں کو آؤٹ کیا۔ جواب میں ناظم آباد جیمخانہ بلوز 143 رنز بنا کر آؤٹ ہوگئی. ظفر علی نے 33، قادر خان نے 28 اور کاشف خان نے 20 رنز بنائے۔ سہیل خان 15 اور نوید احمد نے 25 رنز دیکر 2-2 کھلاڑیوں کو آؤٹ کیا ۔