سابق ٹیسٹ کپتان ظہیر عباس پی سی بی گورننگ باڈی کے رکن منتخب

ظہیر عباس پی سی بی گورننگ باڈی کے رکن منتخب، اہم عہدہ ملنے کا امکان

 سابق ٹیسٹ کپتان ظہیرعباس کو پی سی بی کا رکن گورننگ بورڈ کے رکن منتخب ہوگئے جبکہ انہیں مزید اہم ذمہ داری ملنے کا بھی امکان ہے۔

ظہیرعباس آئی سی سی کے چیئرمین رہ چکے ہیں، ایشین بریڈ مین کے نام سے معروف عظیم بیٹسمین پی سی بی میں سٹیٹ بینک کی نمائندگی کریں گے، ان کی نامزدگی معراج خان کی جگہ نامزدگی ہوئی ہے۔

ظہیر عباس نے اسٹیٹ بنک حکام سے ملاقات کے بعد ذمہ داری سنبھالنے پر رضا مندی ظاہر کی، دریں اثنا ترجمان پی سی بی کے مطابق گورننگ بورڈ کے ممبرزکی تعداد میں اضافہ نہیں کیا گیا۔

واضح رہے کہ کوویڈ19 کے سبب شدید علالت کا شکار ہونے کے بعد77 سالہ ظہیرعباس اب روبہ صحت ہیں، فرسٹ کلاس کرکٹ میں سینچریز کی سینچری اسکور کرنے والے پہلے پاکستانی کرکٹر ظہیرعباس آئی سی سی کے چیئرمین رہ چکے ہیں۔