میشا اینڈ ابراہیم پولو کپ 2024ء کا فائنل ٹیم ڈائمنڈ پینٹس نے جیت لیا

لاہور پولو کلب کے زیراہتمام میشا اینڈ ابراہیم پولو کپ 2024ء کا فائنل ٹیم ڈائمنڈ پینٹس نے جیت لیا،

لاہور (سپورٹس لنک رپورٹ) لاہور پولو کلب کے زیراہتمام میشا اینڈ ابراہیم پولو کپ 2024ء کا فائنل ٹیم ڈائمنڈ پینٹس نے جیت لیا، فائنل میں دلچسپ مقابلے کے بعد ٹیم ایف جی /دین پولو کو 6-5 سے ہرا دیا۔

فائنل دیکھنے کیلئے تماشائیوں اور فیملیز کی ایک بہت بڑی تعداد موجود تھی۔ اس موقع پر مہمان خصوصی ہیڈ آف نیسلے پروفیشنل بزنس سوئٹزر لینڈ رین ہولڈ جکوبی تھے۔ اس کے علاوہ سی ای او نیسلے پاکستان جیسن اوینکا تھے۔

اس کے علاوہ لاہور پولو کلب کی ایگزیکٹو کمیٹی کے ممبر محمد نصیر، فیروز گلزار، سیکرٹری لیفٹیننٹ کرنل (ر) عامر عمر اور دیگر بھی موجود تھے۔ ڈائمنڈ پینٹس اور ایف جی /دین پولو کی ٹیموں کے درمیان فائنل میچ کافی دلچسپ رہا۔

ڈائمنڈ پینٹس کی ٹیم نے زبردست مقابلے کے بعد اختتامی لمحات میں گول کرکے چھ گول ٹورنامنٹ کا فائنل 6-5 سے اپنے نام کیا۔ ڈائمنڈ پینٹس کی طرف سے راجہ جلال ارسلان اور چودھری حیات نے تین تین گول سکور کیے۔

ایف جی /دین پولو کی طرف سے دونوں بھائی فرہاد شیخ اور رافع شیخ نے دو دو گول جبکہ راجہ میکائل سمیع نے ایک گول سکور کیا۔

قبل ازیں سب سڈری فائنل میں سیفا انٹرنیشنل نے ٹوٹل نیوٹریشن کی ٹیم کو آدھے گول ہینڈی کیپ 7.5-7 سے ہرا کر سب سڈری فائنل جیت لیا۔