رونق لاکھانی، عمر سعید،آصف عظیم، ڈاکٹر فرحان عیسی اور یاسمین حیدر سافٹ بال کا اثاثہ ہیں ، عابد قادری

ایتھلیٹ اولمپک فیملی کا دل ہیں۔ سافٹ بال کی ترقی کوقدر کی نگاہ سے دیکھتے ہیں۔ صدر پی او اے

رونق لاکھانی، عمر سعید،آصف عظیم، ڈاکٹر فرحان عیسی اور یاسمین حیدرسافٹ بال کااثاثہ ہیں۔عابد قادری

پاکستان اولمپک ایسوسی ایشن) POA) کے صدر سید عابد قادری جیلانی نے کہاہے کہ کھلاڑی ہماری اولمپک فیملی کا دل ہیں جو معاشرے میں اعلی اقدارکو پروان چڑھا سکتے ہیں پا کستان میں سافٹ بال کی ترقی اور فروغ کیلئے تسلسل کے ساتھ جاری اقدامات کوقدر کی نگاہ سے دیکھتے ہیں

خوشی ہے کہ ہمارے نوجوان خصوصا خواتین اس کھیل میں اپنی بھرپور دلچسپی کامظاہرہ کررہی ہیں ان خیالات کااظہارانہوں نے سافٹ بال فیڈریشن آف پاکستان کے سینیئر نائب صدر پروفیسر ڈاکٹر فرحان عیسی کیجانب سے مرینہ کلب کراچی میں اپنے اعزاز میں دی گئی

تقریب سے خطاب کرتے ہوئے کیا اس موقع پر پی او اے کے سیکریٹری جنرل محمد خالد محمود، انفرادی رکن سید وسیم ہاشمی، فیڈریشن کے صدر آصف عظیم، چیئرپرسن یاسمین حیدر، نائب صدور تہمینہ آصف، شاہد شنواری، سیکریٹری جنرل نسیم خان، ایس او اے کے سیکریٹری احمد علی راجپوت و دیگر بھی موجود تھے

صدر پی او اے سید عابد قادری کاکہنا تھا کہ دنیا بھرمیں گراس روٹ لیول سے ہی کھلاڑیوں کو اکیڈمیز میں جسمانی فٹنس، کھیل کے ٹیکنیکل امور اور حاضر دماغی سے متعلق تربیت دی جاتی ہے

جس کے باعث انٹرنیشنل ایونٹس میں ان کی کارکردگی میں نمایاں بہتری آتی ہے ہمارے کھلاڑی بھی خداداد صلاحیتوں سے مالا مال ہیں حالیہ پیرس اولمپک گیمز میں پاکستانی ایتھلیٹ ارشد ندیم کا گول میڈل جیتنا اس کا واضح ثبوت ہے

اسپورٹس فیڈریشنز کھلاڑیوں کو کھیل کے انفراسٹرکچر کی فراہمی کویقینی بنانے کیلئے مزید اقدامات کریں فیڈریشن کی پیٹرن رونق لاکھانی، عمر سعید،آصف عظیم، ڈاکٹر فرحان عیسی اور یاسمین حیدر سافٹ بال کا اثاثہ ہیں

ان کی سرپرستی میں قومی سطح پر تسلسل کے ساتھ ایونٹس کا انعقاد لائق تحسین اور قابل تقلید ہے پاکستان میں سافٹ بال کے کھیل کا روشن مستقبل دیکھ رہا ہوں

سیکریٹری جنرل پی او اے محمد خالد محمود نے کہا کہ موجودہ دور میں کھلاڑیوں کی کارکردگی ان کی سوفیصدجسمانی فٹنس سے مشروط ہے پاکستان میں سافٹ بال کی بڑھتی ہوئی مقبولیت کو مدنظر رکھتے ہوئے کھلاڑیوں کواس کھیل کی جدید تیکنیک،

قواعد و ضوابط سے آگاہی فراہم کرنے اور ان کی فزیکل فٹنس کوبہتربنانے کیلئے کہ فیڈریشن کیجانب سے سافٹ بال اکیڈمی کا قیام ایک اہم اقدام ہے سافٹ بال کے مقامی کوچز اور کھلاڑیوں کوتجربہ کار انٹرنیشنل کوچز کی ٹریننگ سے جہاں ان کا فٹنس لیول بہتر ہوگا

وہیں ان کی کارکردگی میں بھی نمایاں بہتری آئے گی اکیڈمی میں غیرملکی کوالیفائڈ کوچز کی تقرری کے سلسلے میں پی او اے سافٹ بال فیڈریشن کو مکمل معاونت فراہم کرے گا

اس موقع پر فیڈریشن کے صدر آصف عظیم،تقریب کے میزبان ڈاکٹر فرحان عیسی،یاسمین حیدراور نسیم خان نے بھی خطاب کیا