صوبائی وزیر کھیل پنجاب فیصل ایوب کھوکھر نے مریدکے میں فٹبال سٹیڈیم کا افتتاح کردیا

صوبائی وزیر کھیل فیصل ایوب کھوکھر نے مریدکے میں فٹبال سٹیڈیم کا افتتاح کردیا

 صوبائی وزیر کھیل فیصل ایوب کھوکھر نے مریدکے میں رانا تنویر حسین فٹبال سٹیڈیم کا باقاعدہ افتتاح کیا۔ فٹبال سٹیڈیم کے افتتاح کے موقع پر ڈپٹی کمشنر شیخوپوره، اسسٹنٹ کمشنر، ڈی او سپورٹس، ضلعی افسران سمیت کھلاڑیوں کی بڑی تعداد بھی موجود تھی۔

اس موقع پر گفتگو کرتے ہوئے صوبائی وزیر کھیل فیصل ایوب کھوکھر کا کہنا تھا کہ وزیر اعلیٰ پنجاب مریم نواز صوبہ بھر میں کھیلوں کے فروغ کے لیے بھرپور اقدامات کر رہی ہیں، کھیل کھلاڑیوں کی مخفی صلاحیتوں کو اجاگر کرنے میں معاون ثابت ہوتے ہیں۔

انہوں نے مزید کہا کہ جہاں کھیلوں کے گراؤنڈ آباد رہتے ہیں وہاں کے ہسپتال ہمیشہ ویران ہوتے ہیں، "کھیلتا پنجاب” پروگرام سموگ کے پیش نظر روکا گیا ہے عنقریب ڈوثرنل مقابلوں کا آغاز ہوگا۔