ابوظہبی ٹی 10 میں عجمان بولٹس نے بنگلہ ٹائیگرز کو شکست دے دی

ابوظہبی ٹی 10 میں عجمان بولٹس نے بنگلہ ٹائیگرز کو شکست دے دی

ابوظہبی: ابوظہبی ٹی 10 ٹورنامنٹ 2024 میں عجمان بولٹس نے بنگلہ ٹائیگرز کو 31 رنز سے شکست دے دی۔ پہلے بیٹنگ کرتے ہوئے عجمان بولٹس نے انگلینڈ کے جارحانہ بلے باز ایلکس ہیلز کی شاندار اننگز کی بدولت مقررہ 10 اوورز میں ایک وکٹ کے نقصان پر 133 رنز بنائے۔

ہیلز نے 30 گیندوں پر 75 رنز کی ناقابل شکست اننگز کھیلی جس میں 6 چھکے اور اتنے ہی چوکے شامل تھے۔شیون ڈینیل (18 گیندوں پر 27) اور جمی نیشم (13 گیندوں پر 20 رنز ناٹ آوٹ) نے بھی بلے سے قابل قدر کردار ادا کیا۔

جواب میں بنگلہ ٹائیگرز کی ٹیم کا آغاز اچھا نہیں رہا اور انہوں نے وقفے وقفے سے وکٹیں گنوا کر 5 وکٹوں کے نقصان پر 55 رنز بنائے جس کے بعد کپتان شکیب الحسن نے 19 گیندوں پر 29 رنز بنائے۔

تاہم ان کی کوششیں ٹیم کو لائن سے آگے نہ لے جا سکیں اور بنگلہ ٹائیگرز نے بالآخر 6 وکٹوں کے نقصان پر 102 رنز بنائے۔محمد محسن نے دو وکٹیں حاصل کیں جبکہ مجیب الرحمٰن، جیمز نیشم اور دونیتھ ویلج نے ایک ایک وکٹ حاصل کی۔

عجمان بولٹس کی ٹورنامنٹ میں یہ دوسری فتح ہے۔ دونوں ٹیموں نے ٹورنامنٹ میں اب تک پانچ میچ کھیلے ہیں اور دو میچوں میں کامیابی حاصل کی ہے۔

بنگلہ ٹائیگرز اب اپنے اگلے میچ میں 28 نومبر 2024 کو دکن گلیڈی ایٹرز سے مقابلہ کریں گے جبکہ بولٹس 29 نومبر 2024 کو اپنے اپنے میچ میں ناردرن واریئرز سے مدمقابل ہوں گے۔