قائداعظم ٹرافی سہ فریقی مرحلہ ۔ لاہور وائٹس بمقابلہ پشاور

قائداعظم ٹرافی سہ فریقی مرحلہ ۔ لاہور وائٹس بمقابلہ پشاور

قائداعظم ٹرافی میں پشاور نے لاہور وائٹس کے خلاف پہلی اننگز میں 7 وکٹوں پر 293 رنز بنالیے۔

معاذ صداقت صرف 5 رنز کی کمی سے سنچری مکمل نہ کرسکے۔
زبیرخان کی 71 رنز کی ذمہ دارانہ اننگز۔

زبیرخان اور محمد حارث نے چھٹی وکٹ کی شراکت میں 97 رنز کا اضافہ کیا۔

احمد بشیر اور نسیم شاہ کی دو دو وکٹیں ۔

————————-

ایبٹ آباد 2 دسمبر۔ نوازگوھر

قائداعظم ٹرافی کے سہ فریقی مرحلے کے دوسرے میچ کے پہلے دن پشاور نے لاہور وائٹس کے خلاف اپنی پہلی اننگز میں 7 وکٹوں کے نقصان پر 293 رنز بنائے تھے۔

پہلے دن کے کھیل کی خاص بات معاذ صداقت کی 95 اور زبیر خان کی 71 رنز کی عمدہ اننگز تھیں۔

ایبٹ آباد اسٹیڈیم ایبٹ آباد میں چار روزہ میچ میں لاہور وائٹس نے ٹاس جیت کر پشاور کو بیٹنگ دی۔ معاذ صداقت نے نسیم شاہ۔ احمد بشیر اور عبید شاہ پر مشتمل بولنگ اٹیک کے خلاف عمدہ بیٹنگ کی تاہم وہ صرف 5 رنز کی کمی سے اس ٹورنامنٹ میں اپنی دوسری سنچری مکمل نہ کرسکے۔انہوں نے 97 گیندوں پر ایک چھکے اور 16 چوکوں کی مدد سے 95 رنز بنائے۔

اس سے قبل وہ بہاولپور کے خلاف 96 رنز پر آؤٹ ہوئے تھے۔ معاذ صداقت نے اس ٹورنامنٹ میں ایک سنچری اور پانچ نصف سنچریاں اسکور کی ہیں۔

معاذ کے آؤٹ ہونے کے بعد زبیرخان کے 11 چوکوں کی مدد سے 71 رنز کی وجہ سے پشاور کو اپنی پوزیشن بہتر کرنے کا موقع مل گیا۔انہوں نے محمد حارث کے ساتھ چھٹی وکٹ کی شراکت میں 97 رنز کا اضافہ کیا۔

محمد حارث 4 چوکوں کی مدد سے 45 رنز بناکر آؤٹ ہوئے۔

لاہور وائٹس کی طرف سے احمد بشیر اور نسیم شاہ نے دو دو وکٹیں حاصل کیں۔

یاد رہے کہ قائداعظم ٹرافی کے سہ فریقی مرحلے کے پہلے میچ میں سیالکوٹ نے پشاور کو اننگز اور57 رنز سے شکست دی تھی۔ 27 دسمبر سے شروع ہونے والے تیسرے میچ میں سیالکوٹ اور لاہور وائٹس کی ٹیمیں مدمقابل ہونگی۔

سہ فریقی مرحلے کی دو ٹاپ ٹیموں کے درمیان فائنل 2 جنوری سے کھیلا جائے گا۔