ایل سی سی اے کے پولین اور سپورٹس شاپ کا افتتاح

چیئرمین پاکستان کرکٹ بورڈ محسن نقوی نے اپ گریڈیشن کے بعد ایل سی سی اے کے پویلین اور لاہور ریجن کرکٹ ایسوسی ایشن کی سپورٹس شاپ کا افتتاح کردیا ہے۔

تفصیلات کے مطابق چیئرمین پی سی بی نے کرکٹ ایسوسی ایشن کے اپ گریڈڈ پویلین کا دورہ کیا ، کھلاڑیوں کے لئے پویلین اور ڈریسنگ رومز میں فراہم کردہ سہولتوں کا جائزہ لیا ،

پویلین اور ڈریسنگ رومز میں کھلاڑیوں کے لئے معیاری سہولتیں کی فراہمی کی تعریف کی، محسن نقوی نے صدر لاہور ریجن کرکٹ ایسوسی ایشن کے صدر خواجہ ندیم اور ان کی ٹیم کو مبارکباد بھی پیش کی ۔

چیئرمین پی سی بی نے سپورٹس شاپ تک رسائی آسان بنانے کی ہدایت کردی۔

اس موقع پر محسن نقوی کا کہناتھا سپورٹس شاپ کےلئے داخلہ مین روڈ سے رکھا جائے تاکہ لوگ آسانی سے شاپنگ کر سکیں،مختصر مدت میں پویلین اور ڈریسنگ رومز کی تزئین و آرائش کی گئی ہے ،کھلاڑیوں کے لئے سہولتوں کو بہتر بنایا گیا ہے ۔

اس موقع پر ایڈوائزر عامر میر ، چیف آپریٹنگ آفیسر سمیر احمد، صدر لاہور ریجن کرکٹ ایسوسی ایشن خواجہ ندیم، ڈائریکٹرز ہائی پرفارمنس سنٹرز، ایچ آر، انفراسٹرکچر اور متعلقہ حکام بھی موجود تھے.