مائیکا نے خیبرانڈر16کرکٹ ٹورنامنٹ میں دھوم مچا دی

مائیکا نے آئی سی اے کو 101 رنز سے شکست دے کر خیبر انڈر 16 کرکٹ ٹورنامنٹ میں دھوم مچادی

خیبر انڈر 16 کرکٹ ٹورنامنٹ میں ملک انٹرنیشنل کرکٹ اکیڈمی (MiCA) نے اسلامیہ کرکٹ اکیڈمی (ICA) کو 101 رنز کے بڑے فرق سے شکست دے کر اپنی طاقت کا مظاہرہ کیا۔

خانادان گراونڈ، جمرود میں کھیلے گئے اس میچ میں مائیکا کے بلے بازوں نے شاندار کارکردگی کا مظاہرہ کیا۔

طلحہ آفریدی نے صرف 45 گیندوں پر 103 رنز کی دھواں دار اننگز کھیلی جس میں 8 چھکے اور 8 چوکے شامل تھے۔ ان کی اس شاندار پاری کے باعث مائیکا نے 20 اوورز میں 208 رنز کا پہاڑ جیسا ہدف کھڑا کیا۔

جواب میں، ICA کی ٹیم 107 رنز پر آوٹ ہو گئی۔ مائیکا کے گیند بازوں نے بھی شاندار بولنگ کی۔ حذیفہ نے 4، سعد آفریدی نے 3 اور علی امتیاز نے 2 وکٹیں حاصل کیں۔ طلحہ آفریدی کو ان کی شاندار سنچری پر مین آف دی میچ کا ایوارڈ دیا گیا۔