قائد اعظم بین الصوبائی گیمز 2024 پنجاب نے جیت لی

پنجاب نے قائد اعظم بین الصوبائی گیمز 2024 جیت لیں

اسلام آباد: پنجاب نے قائد اعظم بین الصوبائی گیمز 2024 جیت لیں، پنجاب نے مجموعی طور پر 174 میڈلز کے ساتھ قائد اعظم بین الصوبائی گیمز اپنے نام کیں۔

پنجاب نے 79 گولڈ، 53 سلور، 42 کانسی کے تمغے جیتے، میڈلز ٹیبل پر خیبرپختونخوا نے 97 میڈلز کے ساتھ دوسری پوزیشن حاصل کی، خیبرپختونخوا نے 28 گولڈ، 31 سلور، 38 کانسی کے تمغے اپنے نام کیے۔

میڈلز ٹیبل پر سندھ نے قائد اعظم بین الصوبائی گیمز میں تیسری پوزیشن حاصل کی، سندھ نے مجموعی طور پر 79 میڈلز حاصل کیے سندھ نے 16 گولڈ، 28 سلور، 35 کانسی کے تمغے اپنے نام کیے۔

بلوچستان نے مجموعی طور پر 62 تمغے حاصل کیے، بلوچستان نے 14 گولڈ، 16 سلور، 32 کانسی کے تمغے جیتے، اسلام آباد نے مجموعی طور پر 56 میڈلز اپنے نام کیے، اسلام آباد نے 6 گولڈ، 11 سلور، 39 کانسی کے تمغے جیتے۔

گلگت بلتستان نے مجموعی طور پر 22 تمغے جیتے، گلگت بلتستان نے 2 گولڈ، 2 سلور، 18 کانسی کے تمغے حاصل کیے۔

آزادکشمیر کی میڈلز ٹیبل پر آخری پوزیشن رہی، آزاد کشمیر نے صرف ایک گولڈ میڈل جیتا، آزادکشمیر نے 5 سلور، 20 کانسی کے تمغوں کے ساتھ مجموعی طور پر 26 تمغے حاصل کئے۔