فیڈرل بورڈ نے "آل پاکستان بورڈز بیڈمنٹن ٹورنامنٹ” جیت لیا

فیڈرل بورڈ نے "آل پاکستان بورڈز بیڈمنٹن ٹورنامنٹ” جیت لیا

 آل پاکستان بورڈز بیڈمنٹن ٹورنامنٹ میں فیڈرل بورڈ آف انٹرمیڈیٹ اینڈ سیکنڈری ایجوکیشن اسلام آباد نے پہلی پوزیشن حاصل کی۔ فائنل میچ میں مدمقابل راولپنڈی بورڈ نے دوسری پوزیشن حاصل کی ۔

چیئرمین فیڈرل بورڈ ڈاکٹر اکرام علی ملک نے جیتنے والی ٹیموں کو مبارکباد پیش کی۔

اس موقع ڈائریکٹر رجسٹریشن اینڈ سپورٹس فیڈرل بورڈ فاطمہ طاہرہ کا کہنا تھا کہ فیڈرل بورڈ کی ہمیشہ کی طرح کوشش ہے کہ تعلیم کے ساتھ ساتھ کھیلوں کے میدان میں بھی فیڈرل بورڈ کامیابیوں کی طرف رواں دواں ہے

اور انشاء اللہ اسی طرح فیڈرل بورڈ مزید کھیل کے میدان میں کھلاڑی کی حوصلہ افزائی کرتا رہے گا ۔

ڈائریکٹر سپورٹس فیڈرل بورڈ فوزیہ معروف کا کہنا ہے کہ فیڈرل بورڈ کھلاڑیوں کو کھیل کے میدان میں ہر طرح کی سہولیات فراہم کرنے کا عزم رکھتا ہے۔

ایبٹ آباد میں کھیلے گئے ٹورنامنٹ میں پاکستان کے تمام بورڈز کی گرلز بیڈمنٹن ٹیموں نے شرکت کی ۔