پاکستان سپر لیگ 10 میں فینز چوائس ایوارڈز متعارف کرانے کا فیصلہ

پاکستان سپر لیگ 10 میں فینز چوائس ایوارڈز کو متعارف کرایا جائے گا۔

شائقین ووٹ سے بہترین کھلاڑیوں کا ان کی پرفارمنس کی بنیاد پر انتخاب کریں گے،کھلاڑیوں کو 6 کیٹگریز میں ایوارڈز دیئے جائیں گے۔

ایوارڈ میں بہترین بیٹر،بالر، آل راؤنڈر، سب سے قیمتی کھلاڑی کی کیٹگری شامل ہوگی،بہترین انفرادی بالنگ پرفارمنس اور بہترین انفرادی بیٹنگ پرفارمنس بھی شامل ہوگی۔

سب سے زیادہ ووٹ لینے والے کھلاڑیوں کا اعلان 11 جنوری کو کیا جائے گا،سی ای اوسلمان نصیر کا کہنا ہے شائقین کو ایوارڈز میں شریک کرنے کا مقصد جذباتی وابستگی کا اعتراف ہے۔ پی ایس ایل کا کامیاب سفر پرجوش شائقین کے بغیر ممکن نہیں ۔