پاکستان نے تیسرے ون ڈے میں شکست دیکر جنوبی افریقہ کو پہلی بار وائٹ واش کردیا

پاکستان نے تیسرے ون ڈے میں شکست دیکر جنوبی افریقہ کو پہلی بار وائٹ واش کردیا

 پاکستان نے پہلے بیٹنگ کرتے ہوئے مقررہ 47 اوورز میں نو وکٹوں کے نقصان پر 308 رنز بنائے۔

جواب میں جنوبی افریقا کی پوری ٹیم 42 ویں اوور میں 271 رنز بنا کر آؤٹ ہوگئی،

تین ون ڈے میچز پر مشتمل سیریز کے تیسرے اور آخری میچ میں پاکستان نے جنوبی افریقہ کو 36 رنز سے شکست دے کر سیریز میں وائٹ واش کر دیا ہے۔

اتوار کو جوہانسبرگ میں ہدف کے تعاقب میں جنوبی افریقی ٹیم پاکستان کے 308رنز کے تعاقب میں271رنز بنا سکی، ہنرک کلاسین کے43گیندوں پر81رنز رائیگاں گئے، کوربن بوش40،ڈسن35،زورزی اورینسن26،26رنز بنا سکے

تاہم پاکستانی بولرز میں سے سفیان مقیم نے چار، شاہین شاہ آفریدی اور نسیم شاہ نے دو، دو وکٹیں حاصل کیں جبکہ محمد حسنین اور صائم ایوب نے ایک ایک وکٹ حاصل کی۔

اس سے قبل پاکستان اور جنوبی افریقہ کے درمیان جاری تین ون ڈے میچز پر مشتمل سیریز کے تیسرے اور آخری میچ میں پاکستان نے جنوبی افریقہ کو 309 رنز کا ہدف دیا ہے۔

پاکستان نے بیٹنگ کا آغاز کیا تو عبداللہ شفیق بغیر کوئی رن بنائے 1 کے مجموعی اسکور پر پویلین لوٹ گئے، پھر صائم ایوب اور بابر اعظم نے ذمہ دارانہ بیٹنگ کرتے ہوئے اسکور کو بڑھایا۔

صائم ایوب نے 16 اوور میں 54 گیندوں پر 1 چھکے اور 7 چوکوں کی مدد سے نصف سنچری اسکور کی۔ اس کے بعد بابر اعظم نے 71 گیندوں پر 7 چوکوں کی مدد سے 52 رنز بنائے اور پھر مپ ہاکا کا شکار بن کر پویلین لوٹ گئے۔

اس کے بعد صائم ایوب 91 گیندوں پر 101 رنز کی اننگز کھیل کر پویلین لوٹے، انہوں نے دو چھکوں اور 13 چوکوں کی مدد سے سنچری مکمل کی۔ یہ جنوبی افریقا کے خلاف دوسری جبکہ اُن کے کیریئر کی تیسری سنچری ہے۔

اس کے بعد 209 کے مجموعی اسکور پر کامران غلام، پھر 223 رنز پر محمد رضوان 53 رنز بنا کر پویلین لوٹے۔ سلمان علی آغا نے 33 گیندوں پر 48 رنز کی شاندار بیٹنگ کی۔

قومی ٹیم کی جانب سے صائم ایوب 101، محمد رضوان 53 اور بابر اعظم 52 رنز بنا کر نمایاں بلے باز رہے۔

جنوبی افریقا کے ربادا نے 3، جینسین اور فوچیون نے 2،2 وکٹیں حاصل کیں۔

جوہانسبرگ میں ہونیوالے تیسرے اور آخری ون ڈے میچ میں میزبان ٹیم کے کپتان ٹیمبا باوما نے ٹاس جیت کر پاکستان کرکٹ ٹیم کے کپتان محمد رضوان کو بیٹنگ کی دعوت دے دی ہے۔

پاکستان اور جنوبی افریقہ کے درمیان جاری تین ون ڈیز پر مشتمل سیریز کا تیسرا اور آخری میچ بارش کی وجہ سے ایک مرتبہ پھر روک دیا گیا

میچ کے رکنے سے پہلے تک پاکستان مے 3.1 اوور میں اک وکٹ کے نقصان پر 10 رنز بنائے ہیں اس سے قبل بارش کے باعث دونوں ٹیموں کے درمیان میچ 15 منٹ کی تاخیر سے شروع ہوا تھا۔

پاکستان نے جنوبی افریقہ کی دعوت پر بیٹنگ کا آغاز کیا تو پہلی وکٹ میچ کی دوسری گیند پر گر گئی۔ عبداللہ شفیق ایک مرتبہ پھر بہتر کارکردگی دکھانے میں ناکام رہے۔ وہ اس میچ میں بھی صفر پر آؤٹ ہو گئے۔

پاکستان اورجنوبی افریقہ کے درمیان تیسرے اور آخری ون ڈے میچ کے لیے قومی ٹیم میں 3 تبدیلیاں کی گئی ہیں۔ پاکستانی اسکواڈ میں طیب طاہر اور محمد حسنین کی واپسی ہوئی ہے جبکہ سفیان مقیم ون ڈے ڈیبیو کررہے ہیں۔

پاکستان کے صائم ایوب میچ اور سیریز کے بہترین کھلاڑی قرار پائے ، دونوں ٹیموں کے درمیان دو ٹیسٹ میچز پر مشتمل سیریز کا پہلا میچ 26 دسمبر سے سینچورین میں شروع ہوگا۔

قومی پلیئنگ الیون ; 
کپتان محمد رضوان، صائم ایوب، عبداللہ شفیق، بابر اعظم، کامران غلام، سلمان علی آغا، طیب طاہر، شاہین شاہ آفریدی، نسیم شاہ، محمد حسنین، سفیان مقیم شامل ہیں۔

جنوبی افریقہ کی پلیئنگ الیون ;
ٹونی ڈِی زورزی، ٹیمبا باوما(کپتان)، راسی وینڈر ڈوسن، ایڈن مارکرم، ہینرک کلاسین (وکٹ کیپر)، ڈیوڈ ملر، مارکو یانسین، بجورن فورٹین، کاربن باش، کےوینا مافاکا اور کاگیسو رباڈا جنوبی افریقہ کی پلیئنگ الیون کا حصہ تھے۔

جنوبی افریقہ کیخلاف تیسرے ایک روزہ میچ میں پاکستانی اوپنر صائم ایوب نے ایک اور سنچری داغ دی۔

صائم ایوب کی اننگز میں 13 چوکے اور 2 چھکے شامل ہیں ،انہوں نے 91 گیندوں پر سنچری مکمل کی، واضح رہے صائم ایوب نے پہلے ون ڈے میں 109 جبکہ دوسرے میچ میں 25 رنز بنائے تھے۔

صائم ایوب  کی یہ جنوبی افریقا کے خلاف دوسری جبکہ اُن کے کیریئر کی تیسری سنچری ہے۔