نیشنل وویمنز باسکٹ بال چیمپٸین شپ کے شیڈول کا اعلان 

نیشنل وویمنز باسکٹ بال چیمپٸین شپ کے شیڈول کا اعلان 

واپڈا اعزازکا دفاع کرے گا، ایونٹ 26دسمبر سے لاہور میں شروع ہوگا

پاکستان باسکٹ بال فیڈریشن نے نیشنل وویمنز باسکٹ بال چیمپئین شپ کے شیڈول کا اعلان کر دیا ، چیمپئین شپ کا باضابطہ آغاز 26دسمبر سے لاہور میں ہوگا ۔

پاکستان باسکٹ بال فیڈریشن کے سیکرٹری جنرل خالد بشیر کے مطابق واپڈا سپورٹس کمپلیکس میں کھیلی جانیوالی پانچ روزہ چیمپین شپ کے کامیاب انعقاد کےلئے تمام انتظامات مکمل کر لئے گئے ہیں،

چیمپٸین شپ میں شریک آٹھ بہترین ٹیموں کو دو گروپس میں تقسیم کیا گیا ہے۔ پول “اے “ میں دفاعی چیمپئین پاکستان واپڈا، کراچی، فیصل آباد، بہاولپور جبکہ پول “بی” میں آرمی، اسلام آباد لاہور اور ہزارہ ڈویژن کی ٹیمیں ایکشن میں دکھاٸی دے گی۔

خالد بشیر نے بتایا کہ چیمپین شپ کے پول راونڈز میں روزانہ چار میچز کھیلیں جاٸینگے۔ایونٹ کے سیمی فاٸنلز 29دسمبر جبکہ چیمپٸین شپ کا فاٸنل 30دسمبر کو کھیلا جاٸیگا۔

چیمپٸین شپ کے پہلے روز دفاعی چیمپٸین واپڈا کا مقابلہ کراچی سے ہوگا جبکہ آرمی اور ہزارہ، فیصل آباد اور بہاولپور ، اسلام آباد اور لاہور کی ٹیمیں مدمقابل ہونگی۔ پول راونڈ کی ٹاپ ٹو ٹیمیں سیمی فاٸنل کیلٸے کوالیفاٸی کرے گی