انٹرنیشنل کرکٹ کونسل نے ون ڈے اور ٹی ٹوئنٹی کی نئی رینکنگ جاری کردی

انٹرنیشنل کرکٹ کونسل (آئی سی سی ) نے ون ڈے فارمیٹ کی نئی رینکنگ جاری کردی۔

آئی سی سی کی جانب سے جاری کردہ نئی رینکنگ کے مطابق سابق کپتان بابراعظم کی ون ڈے فارمیٹ میں بادشاہی تاحال برقرار ہے جبکہ فاسٹ بولر شاہین شاہ آفریدی کی تنزلی ہوئی ہے۔

بیٹرز کی رینکنگ میں بابراعظم کی 795 ریٹنگ پوائنٹس کیساتھ پہلی پوزیشن پر قابض ہیں جبکہ انکے علاوہ کوئی پاکستانی ٹاپ 10 میں شامل نہیں، فخر زمان 7ویں پوزیشن پر براجمان ہیں۔

اسی طرح جنوبی افریقا کیخلاف تین میچز میں 2 سینچریاں اسکور کرنیوالے اوپنر صائم ایوب نے 57 درجے کی بڑی جھلانگ لگاتے ہوئے 24ویں نمبر پر آگئے ہیں۔

ون ڈے بولرز کی رینکنگ میں افغانستان کے راشد خان کی پہلی پوزیشن برقرار ہے جبکہ شاہین شاہ آفریدی ایک درجے تنزلی کے بعد تیسرے نمبر پر چلے گئے۔

بھارت کے کلدیپ یادیو دو درجے ترقی کے بعد دوسرے نمبر پر آگئے،شاہین شاہ آفریدی ایک درجے تنزلی کے بعد تیسرے نمبر پر چلے گئے، حارث راف ایک درجے تنزلی کے 15ویں سے 16ویں پوزیشن پر چلے گئے۔

ٹی 20بولرز کی رینکنگ میں ویسٹ انڈیز کے عقیل حسین کی پہلی پوزیشن برقرار جبکہ انگلینڈ کے عادل رشید کا دوسرا اور سری لنکا کے ہرا سنگا کا تیسرا نمبر ہے،

ٹی 20 بولرز کی رینکنگ میں کوئی پاکستانی بولرٹاپ میں جگہ نہ بنا سکا۔ جبکہ ون ڈے آل راونڈرز کی فہرست میں کوئی پاکستانی ٹاپ 10 میں شامل نہیں ہے۔

ون ڈے رینکنگ ; آئی سی سی کی ون ڈے پلیئرز رینکنگ میں بلے بازوں کی فہرست میں پاکستان کے بابراعظم کی ون ڈے رینکنگ میں 795 پوائنٹس کے ساتھ پہلی پوزیشن برقرار ہے۔

روہت شرما، شبمن گل اور ویرات کوہلی کی بدستور دوسری، تیسری اور چوتھی پوزیشن ہے۔

جنوبی افریقہ کےکلاسن 8 درجہ بہتری کے بعد پانچویں نمبر پر آگئے ہیں، محمد رضوان تین درجہ بہتری کے بعد 21 ویں نمبر پر پہنچ گئے ہیں۔

جنوبی افریقہ کے خلاف ون ڈے سیریز میں 2 سنچریاں بنانے والے صائم ایوب کی57 درجہ بہتری ہوئی ہے اور وہ رینکنگ میں 24 ویں نمبر پر آگئےہیں۔

ون ڈے میں بالرز کی رینکنگ میں افغانستان کے راشد خان کا پہلا نمبر برقرار ہے۔

بھارت کے کلدیپ یادیو 2 درجہ بہتری کے بعد دوسرے نمبر پر پہنچ گئے ہیں، شاہین آفریدی ایک درجہ تنزلی کے بعد تیسرے نمبر پر ہیں۔ جنوبی افریقہ کے کیشو مہاراج بھی ایک درجہ تنزلی کے بعد چوتھے نمبر پر چلےگئے ہیں۔

ون ڈے کی آل راؤنڈرز ریکنگ میں محمد نبی کا پہلا نمبر برقرار ہے۔ سکندر رضا کی دوسری اور افغانستان کے عظمت اللہ عمر زئی کی 5 درجہ بہتری کے بعد تیسری پوزیشن ہے۔

ٹی ٹوئنٹی رینکنگ ; آئی سی سی ٹی ٹوئنٹی بیٹنگ رینکنگ میں ٹریوس ہیڈ کی پہلی پوزیشن برقرار ہے۔

فل سالٹ کی دوسری، تلک ورما کی تیسری اور سوریاکمار یادیو کی چوتھی پوزیشن ہے۔ بابر اعظم چھٹے اور محمد رضوان آٹھویں نمبر پر براجمان ہیں۔

ٹی ٹوئنٹی بالرز رینکنگ میں ویسٹ انڈیز کے عقیل حسین کی پہلی پوزیشن برقرار ہے۔

انگلینڈ کے عادل رشید کی دوسری اور وانندو ہسارانگا کی تیسری پوزیشن ہے۔