پاکستان اوپن ٹین پن باؤلنگ:اوپن سنگلز کا ٹائٹل دانیال شاہ کے نام
سینئر 40پلس میں شبیر لشکر چیمپئن بن گئے،علیم آغانے عمدہ مقابلے کے بعدآٹھویں پوزیشن حاصل کی
کراچی (سپورٹس لنک رپورٹ) نویں پاکستان اوپن ٹین پن باؤلنگ چیمپئن شپ کا اوپن سنگلز کا ٹائٹل دانیال شاہ کے نام رہا جبکہ سینئر 40پلس میں شبیر لشکر نے میدان مار لیا۔
رائل روڈیل کلب ڈیفنس میں پاکستان باؤلنگ فیڈریشن کی زیر نگرانی اور سندھ ٹین پن باؤلنگ کی میزبانی میں جاری پاکستان اوپن چیمپئن شپ میں گزشتہ روز اوپن سنگلز اور سینئر 40پلس کیٹیگری کے فائنلز کھیلے گئے۔
نتائج کے مطابق اوپن سنگلز کے فائنل راؤنڈ میں دانیال شاہ نے تین گیمز کے بعد 629اسکور کے ساتھ پہلی پوزیشن اور چیمئن بننے کا اعزازحاصل کیا۔عمیر نے 623کے اسکور کے ساتھ دوسری جبکہ فیصل فیروز نے 600کے اسکور کے ساتھ تیسری پوزیشن پائی۔
علی نعمان نے 554کے اسکور کے ساتھ چوتھی،علی سوریا نے 540کے اسکور کے ساتھ پانچویں،دانیال اعجاز نے 516کے اسکور کے ساتھ چھٹی،حسین گھاٹیا نے 504اسکور کے ساتھ ساتویں اور عابد نے482اسکور کے ساتھ آٹھویں پوزیشن حاصل کی۔
سینئر 40پلس فائنل میں چار گیمز کے بعد شبیر لشکر نے 833مجموعی اسکور کے ساتھ پہلی پوزیشن پائی اور چیمپئن قرار پائے،حسین چٹھہ نے 786اسکور کے ساتھ دوسری جبکہ سجاد شاہ نے 755اسکور کے ساتھ تیسری پوزیشن پر قبضہ جمایا۔
اس کیٹیگری میں وسیم اختر چوتھے،ایم حسین پانچویں،افضل اختر چھٹے،علیم آغا ساتویں،نوید قادر آٹھویں،مشتاق بملہ نویں اور شاہجہاں بھٹی دسویں نمبر پر رہے۔
واضح رہے کہ اس میگا باؤلنگ ایونٹ میں قوت سماعت سے محروم مرد وخواتین،گریڈڈ کھلاڑی،ویمنز،اوپن سنگلز،اوپن ڈبلز،فور مینز،گرانڈ ماسٹرز،سینئرز فورٹی پلس کے مقابلے شامل ہیں،
چیمپئن شپ میں ملک بھر سے170سے زائد پروفیشنلز اور امیچرز کھلاڑی مختلف کیٹیگریز میں شرکت کررہے ہیں۔
