پاکستان سپر لیگ سیزن 10 ; شکیب الحسن کس ٹیم میں شامل؟

پی ایس ایل سیزن 10 کیلئے کھلاڑیوں کی رجسٹریشن کا عمل جاری ہے، بنگلہ دیش کے اسٹار کھلاڑی شکیب الحسن نے پی ایس ایل کیلئے رجسٹرڈ کرلیا۔

تفصیلات کےمطابق شکیب الحسن پاکستان سپر لیگ میں پشاور زلمی کی نمائندگی کرچکے ہیں، اس سے قبل پاکستان سپر لیگ سیزن 10 کے لئے انگلینڈ کے معروف کھلاڑی ڈیوڈ ملان نے اپنی دستیابی ظاہر کی۔

انگلینڈ کے ڈیوڈ ملان نے پی ایس ایل 10 کے ڈرافٹ کے لئے خود کو رجسٹرڈ کرایا لیا، پاکستان سپر لیگ کے 10 ویں ایڈیشن کے لئے ڈرافٹ کی تقریب گوادر میں 11 جنوری کو ہوگی۔

غیر ملکی کھلاڑیوں کی رجسٹریشن کا سلسلہ جاری ہے، ڈیوڈ ملان سے قبل انگلینڈ کے ڈیوڈ ولی اور آسٹریلیا کے عثمان خواجہ کی شرکت کی تصدیق بھی پی ایس ایل انتظامیہ کر چکی ہے۔

پاکستان سپر لیگ کے ایڈیشن 10 کے لئے بنگلا دیش کے فاسٹ باؤلر مستفیض الرحمان بھی اپنی دستیابی ظاہر کر چکے ہیں، جیسن رائے بھی پی ایس ایل میں کھیلتے ہوئے نظر آئیں گے، رجسٹریشن کرانے والےغیرملکیوں کھلاڑیوں کی تعداد سات ہوچکی ہے۔