پی ایس ایل 10 سے قبل پشاور زلمی ٹیلنٹ ہنٹ اوپن ٹرائلز کا آغاز

 پشاور زلمی ٹیلنٹ ہنٹ اوپن ٹرائلز

پی ایس ایل 10 سے قبل پشاور زلمی کا پشاور میں سرگرمیوں کا اغاز

یکم جنوری سے پشاور زلمی پشاور، خیبر پختونخواہ میں ٹیلنٹ ہنٹ اور ٹرائز کا اغاز کرے گا, پشاور زلمی پی ایس ایل دس میچز کے پشاور میں انعقاد کے لیے کوشاں ‘ پاکستان کے سابق کپتان، انضمام الحق، محمد یوسف ،کامران اکمل ،عمر گل اور پشاور زلمی کے ڈائریکٹر کرکٹ محمد اکرم ٹرائلز لیں گے

پاکستان سپر لیگ سیزن 10 سے قبل پشاور زلمی نے خیبر پختو نخواہ اور پشاور میں سرگرمیوں کا اغاز کر دیا ۔پشاور زلمی کے زیر اہتمام یکم جنوری سے پشاور میں ٹیلنٹ ہنٹ اور ٹرائلز کا اغاز ہوگا ۔

اوپن ٹرائلز کا آغاز یکم جنوری کو ارباب نیاز اسٹیڈیم پشاور میں ہوں گا ۔ اس کے بعد دو اور تین جنوری کو ٹرائلز اور چار اور پانچ جنوری کو شارٹ لسٹ پلئیرز کے میچز حیات آباد اسپورٹس کمپلیکس میں ہوں گے۔

پاکستان کے سابق کپتان انضمام الحق، محمد یوسف ،کامران اکم، عمر گل اور پشاور زلمی کے ڈائریکٹر کرکٹ محمد اکرم ٹرائلز لیں گے ٹرائلز کے لیے پشاور زلمی نے اپنے تمام ڈیجیٹل پلیٹ فارم پر رجسٹریشن کا اغاز کر دیا ہے

ٹرائلز کے بعد چار اور پانچ جنوری کو شارٹ لسٹ پلیئرز کے میچز بھی کرائے جائیں گے ۔ پشاور زلمی کے چیئرمین جاوید افریدی نے اپنے پیغام میں کہا کہ پشاور زلمی و زلمی فاؤنڈیشن ماضی کی طرح گراس روٹ لیول پر کرکٹ کے فروغ کے لیے کام کرتی رہے گی ۔

جاوید آفریدی نے کہا کہ پشاور زلمی ایک بار پھر پشاور میں پی ایس ایل میچز کے انعقاد کا مطالبہ کرتی یے اور اس کے لیے کوشاں یے ۔ اوپن ٹرائز اور ٹیلنٹ ہنٹ کے ساتھ پشاور زلمی پورے خیبرپختونخواہ میں پچز بھی بنا رہی ہے جس پر نوجوان کھلاڑی اپنی صلاحیتوں کا اظہار کر رہے ہیں ۔

پشاور زلمی کے ڈائریکٹر کرکٹ محمد اکرم نے کہا کہ خیبر پختو نخواہ میں کرکٹ کا بے پناہ ٹیلنٹ موجود ہے اور ہمیں پورا یقین اور امید ہے کہ اس ٹیلنٹ ہنٹ سے بھی مزید نیا ٹیلنٹ سامنے ائے گا

پشاور زلمی کے ابھرتے سپر سٹار اور وکٹ کیپر محمد حارث نے بھی اپنے ویڈیو پیغام میں تمام نوجوانوں سے کہا ہے کہ وہ ٹرائلز میں ضرور شریک ہوں اور اس موقع کا فائدہ اٹھائیں