SportsLink PK Latest Sports News in Urdu
انٹرنیشنل کرکٹ کونسل (آئی سی سی) کی جانب سے دسمبر 2024 کے لیے پلیئر آف دی منتھ نامزدگیوں کا اعلان کردیا گیا۔
آئی سی سی کی جانب سے دسمبر کے بہترین کھلاڑیوں کے لے مردوں اور خواتین کی کیٹیگریز میں 3،3 ناموں کا اعلان کیا گیا ہے، جس میں پاکستان کو کوئی کرکٹر شامل نہیں ہے۔
پلیئر آف دی منتھ کے لیے جن کھلاڑیوں کو نامزد کیا گیا ہے ان میں بھارت کے فاسٹ بولر جسپریت بمراہ، آسٹریلوی کپتان پیٹ کمنز اور جنوبی افریقہ کے ڈین پیٹرسن شامل ہیں۔
بھارت کے جسپریت بمراہ نے دسمبر کے دوران آسٹریلیا کے خلاف 3 ٹیسٹ میچوں میں 22 وکٹیں حاصل کیں، جبکہ آسٹریلوی کپتان پیٹ کمنز نے بھارت کے خلاف 144 رنز اسکور کیے اور 17 وکٹیں بھی لیں۔
اس کے علاوہ جنوبی افریقہ کے ڈین پیٹرسن نے سری لنکا کے خلاف شاندار بولنگ کا مظاہرہ کیا ہے، جس پر انہیں پہلی بار پلیئر آف دی منتھ کے لیے نامزد کیا گیا ہے۔
دوسری جانب خواتین کرکٹرز کی کیٹیگری میں بھارت کی سمرتی مندھانا، جنوبی افریقہ کی نونکولولیکو ملابا اور آسٹریلیا کی اینابیل سوتھرلینڈ پلیئر آف دی منتھ نامزد ہونے والوں میں شامل ہیں۔
