آئی سی سی انڈر 19ویمنز ورلڈ کپ : پاکستانی ٹیم پہلا میچ آج امریکہ کے خلاف کھیلے گی

آئی سی سی انڈر 19 ویمنز ٹی ٹوئنٹی ورلڈ کپ : پاکستان ٹیم پہلا میچ آج امریکہ کے خلاف کھیلے گی۔

جوہور( ملائشیا ) 17 جنوری۔ نوازگوھر

کومل خان کی قیادت میں پاکستان انڈر 19 ٹیم کل آئی سی سی ویمنز انڈر19 ٹی ٹوئنٹی ورلڈ کپ میں اپنا پہلا میچ امریکہ کے خلاف کھیلے گی۔

پاکستان ٹیم کا گروپ بی میں دوسرا میچ 20 جنوری کو انگلینڈ اور تیسرا میچ 22 جنوری کو آئرلینڈ کے خلاف ہوگا۔تینوں میچز جوہور کرکٹ اکیڈمی اوول، جوہور میں کھیلے جائیں گے جو پاکستانی وقت کے مطابق صبح ساڑھے گیارہ بجے شروع ہونگے۔

گروپ مرحلے کے اختتام پر چار گروپس اے، بی، سی اور ڈی میں سے ہر ایک کی تین ٹیمیں سپر 6 مرحلے میں پہنچ جائیں گی۔ گروپ اے اور ڈی، اور بی اور سی کی سب سے نیچے کی ٹیمیں 24 جنوری کو آخری جگہ کے پلے آف میں مقابلہ کریں گی۔

سپر 6 مرحلے میں ہر ٹیم اپنی جیت، پوائنٹس اور نیٹ رن ریٹ آگے بڑھائے گی جو سپر 6 کوالیفائنگ ٹیموں کے خلاف ہوں گے ۔سپر6 مرحلے کے دو گروپوں میں سے ٹاپ دو ٹیمیں سیمی فائنل کے لیے کوالیفائی کریں گی۔ سیمی فائنلز 31 جنوری کو ہوں گے جبکہ ٹورنامنٹ کا فائنل 2 فروری کو کھیلا جائے گا۔

پاکستان نے میگا ایونٹ کی تیاری کے لیے 13 اور 15 جنوری کو نائیجیریا اور آسٹریلیا کے خلاف وارم اپ میچز کھیلے۔ اس نے نائیجیریا کو 11 رنز سے شکست دی جبکہ آسٹریلیا کے خلاف اسے ڈی ایل ایس کے تحت 54 رنز سے شکست ہوئی۔

اس سے قبل پاکستان ٹیم نے کراچی کے حنیف محمد ہائی پرفارمنس سینٹر میں نو روزہ تربیتی سیشن کیا تھا جس میں کھلاڑیوں نے ہیڈ کوچ محسن کمال اور ان کے کوچز کی نگرانی میں ٹریننگ کی تھی۔

کپتان کومل خان کا کہنا ہے کہ ہمارا گروپ کچھ عرصے سے ایک ساتھ ہے جس نے پچھلے چند ہفتوں کے دوران اپنے کھیل پر بہت زیادہ محنت کی ہے اور ہم میں اچھی کارکردگی دکھانے کا بھرپور جذبہ موجود ہے۔

ہمارا حتمی ہدف یہ ہوگا کہ ہم اپنے بہترین کارکردگی کو سامنے لائیں جب ہم اپنے گروپ میچوں میں امریکہ، انگلینڈ اور آئرلینڈ کا مقابلہ کریں گے تو نتائج کو اپنے حق میں کرنے کی پوری کوشش کریں گے۔

ہمارے پاس بولنگ اور بیٹنگ کے شعبوں میں ورائٹی اور ٹیلنٹ ہے اور ٹریننگ اور وارم اپ کے ساتھ اگلے پانچ دنوں میں تین انتہائی اہم میچ ہم سب کو کارکردگی دکھانے کے لیے پرجوش کردیتے ہیں۔

پاکستان اسکواڈ : کومل خان (کپتان) زوفشاں ایاز (نائب کپتان)  علیسہ مختیار  اریشہ انصاری فاطمہ خان  ہانیہ احمر ماہم انیس ماہ نور زیب  میمونہ خالد مناہل  قرۃ العین راویل فرحان  شہر بانو  طیبہ امداد اور واصفہ حسین  ۔

نان ٹریولنگ ریزرو۔ فضا فیاض  لائبہ ناصر  مناہل جاوید روزینہ اکرم اور ثانیہ رشید ۔

پلیئر سپورٹ اسٹاف۔ محسن کمال (ہیڈ کوچ) حنیف ملک (اسسٹنٹ کوچ) ناہیدہ خان (فیلڈنگ کوچ) اسفندیار ( اسٹرینتھ اینڈ کنڈیشننگ کوچ ) ڈاکٹر رابعہ ( فزیوتھراپسٹ ) عثمان شاہد (انالسٹ ) ڈاکٹر خرم سرور ( ٹیم ڈاکٹر ) حنا منور ( منیجر ) محمد رفیع اللہ (میڈیا اور ڈیجیٹل منیجر)۔