پاکستان کامبیکس ساتویں ایشین تائیکوانڈو اوپن چیمپئن شپ 2025 کی میزبانی کرے گا

پاکستان کامبیکس ساتویں ایشین تائیکوانڈو اوپن چیمپئن شپ 2025 کی میزبانی کرے گا

اسلام آباد – پاکستان تائیکوانڈو فیڈریشن کامبیکس ساتویں ایشین تائیکوانڈو اوپن چیمپئن شپ 2025 کی میزبانی کرے گا، جو 14 سے 20 فروری 2025 تک لیاقت جمنیزیم، اسلام آباد میں منعقد ہوگی۔

کھلاڑیوں کی رجسٹریشن کا عمل پہلے ہی شروع ہو چکا ہے، اور یہ چیمپئن شپ پاکستان کی تائیکوانڈو کو عالمی سطح پر فروغ دینے کی کوششوں میں ایک سنگ میل کی حیثیت رکھتی ہے۔

لیفٹیننٹ کرنل (ریٹائرڈ) راجہ وسیم احمد جنجوعہ، صدر پاکستان تائیکوانڈو فیڈریشن، نے اپنے خیالات کا اظہار کرتے ہوئے کہا: "یہ پاکستان میں ہونے والی چوتھی بین الاقوامی تائیکوانڈو چیمپئن شپ ہوگی۔

ہمیں یقین ہے کہ یہ ایونٹ نہ صرف ہمارے کھلاڑیوں کے معیار کو بلند کرے گا بلکہ خطے میں تائیکوانڈو کو فروغ دینے میں بھی مددگار ثابت ہوگا۔”

پی ٹی ایف کھلاڑیوں کو اپنی صلاحیتوں کا مظاہرہ کرنے اور بین الاقوامی سطح پر تجربہ حاصل کرنے کے لیے ایک عالمی معیار کا پلیٹ فارم فراہم کرنے کے لیے پرعزم ہے۔ فیڈریشن تمام شرکاء، آفیشلز، اور تائیکوانڈو کے شائقین کو اسلام آباد میں اس دلچسپ مقابلے کا حصہ بننے کی دعوت دیتا ہے۔