چئیرمین پی سی بی محسن نقوی کی یو ایس اے کرکٹ کے چیف ایگزیکٹو آفیسر سے ملاقات

چئیرمین پی سی بی محسن نقوی کی یو ایس اے کرکٹ کے چیف ایگزیکٹو آفیسر سے ملاقات۔

پاک امریکہ کرکٹ سیریز اورپاکستان۔امریکہ و کینیڈا کے مابین ٹرائی سیریز کے امکانات پر بات چیت۔

پاک امریکہ ویمنز ٹیمز کے درمیان ایک دوسرے کے ملکوں میں سیریز کرانے پر گفتگو

پاکستان اور امریکہ کی مینز اور ویمنز ٹیموں کے درمیان سیریز کرانے پر اتفاق۔

دونوں ملکوں کے بورڈز کرکٹ سیریز کرانے کے پروگرام کو حتمی شکل دیں گے

چئیرمین پی سی بی محسن نقوی کی امریکہ کے کوچز کو پاکستان میں تربیت دینے کی پیشکش ۔

یو ایس اے کرکٹ کے چیف ایگزیکٹو آفیسر کو چیمپئنز ٹرافی ٹورنامنٹ کے میچز دیکھنے کے لئے پاکستان آنے کی دعوت

واشنگٹن: 28 جنوری، 2025 

چئیرمین پاکستان کرکٹ بورڈ محسن نقوی نے یو ایس اے کرکٹ کے چیف ایگزیکٹو آفیسر جوناتھن اٹکیسن سے ملاقات کی ۔ ملاقات میں پاکستان اور امریکہ کے درمیان کرکٹ سیریز کرانے پر تبادلہ خیال کیا گیا جبکہ پاکستان۔

امریکہ اور کینیڈا کے مابین ٹرائی سیریز کے امکانات پر بھی بات چیت کی گئی ۔

ملاقات میں پاکستان اور امریکہ کی ویمنز ٹیمز کے درمیان ایک دوسرے کے ملکوں میں سیریز کرانے پر گفتگو بھی ہوئی۔ملاقات میں پاکستان اور امریکہ کی مینز اور ویمنز ٹیموں کے درمیان سیریز کرانے پر اتفاق کیا گیا

اور اس ضمن میں دونوں ملکوں کے بورڈز کرکٹ سیریز کرانے کے پروگرام کو حتمی شکل دیں گے۔چئیرمین پی سی بی محسن نقوی نے یو ایس اے کرکٹ کے سی ای او کو ہر ممکن معاونت کی یقین دہانی کروائی۔

چئیرمین پی سی بی محسن نقوی نے کہا کہ امریکہ میں کرکٹ کے فروغ کیلئے پی سی بی بھرپور تعاون فراہم کرنے کے لئے تیار ہے۔چئیرمین پی سی بی محسن نقوی نے امریکہ کے کوچز کو پاکستان میں تربیت دینے کی پیشکش کی ۔

چئیرمین پی سی بی محسن نقوی نے یو ایس اے کرکٹ کے چیف ایگزیکٹو آفیسر کو چیمپئنز ٹرافی ٹورنامنٹ کے میچز دیکھنے کے لئے پاکستان آنے کی دعوت دی۔ چیئرمین پی سی بی محسن نقوی نے کہا کہ پاکستان اور امریکہ کے درمیان کرکٹ کے فروغ کے بے پناہ مواقع ہیں۔

یو ایس اے کرکٹ کے چیف ایگزیکٹو آفیسر نے چیمپئنز ٹرافی ٹورنامنٹ کی دعوت پر چئیرمین پی سی بی محسن نقوی کا شکریہ ادا کیا۔چیف ایگزیکٹو آفیسر پی ایس ایل سلمان نصیر بھی اس موقع پرموجود تھے۔