نیشنل سٹوڈنٹس گیمز‘کے پی دستہ بحرکرم کی سربراہی میں شرکت کرے گا
پشاور (سپورٹس لنک رپورٹ)
یکم فروری سے اسلام آباد میں شروع ہونیوالے دورسرے نیشنل سٹوڈنٹس گیمز میں خیبرپختونخوا سے 100 کھلاڑیوں کا دستہ شرکت کررہا ہے جو ڈائریکٹر سپورٹس پشاور یونیورسٹی بحرکرم کی سربراہی میں ان گیمز میں شرکت کر رہا ہے
اس سلسلے میں انہوں نے میڈیا سے بات چیت کرتے ہوئے کہا کہ نیشنل سٹوڈنٹس گیمز یکم فروری سے پاکستان سپورٹس بورڈ اسلام آباد میں شروع ہورہی ہیں جس کے لئے تیاریاں مکمل ہیں ہمارا دستہ ان گیمز میں شرکت کے لئے اسلام آباد پہنچے گا
جس کے لئے انتظامات مکمل کر لئے گئے ہیں ان گیمز میں ہمارے صوبے کے کھلاڑی ایتھلیٹکس‘آرچری‘بیڈمنٹن‘باسکٹ بال ‘کیچ بال ‘ سائیکلنگ‘شطرنج‘فٹسال ‘جمناسٹک ‘ہینڈ بال ‘روپ سکپنگ‘ٹیبل ٹینس‘ تھروبال‘ تائیکوانڈو‘رسہ کشی اور والی بال کے مقابلوں میں اپنی صلاحیتوں کا اظہار کریں گے
انہوں نے امید ظاہر کی کہ ان مقابلوں میں ہمارے کھلاڑی بہترین کارکردگی کا مظاہرہ کریں گے جس کے لئے ان کی تیاریاں جاری ہیں ۔
