آسٹریلیا کے اوپنر عثمان خواجہ نے ٹیسٹ کرکٹ میں پہلی مرتبہ ڈبل سنچری بنا ڈالی

عثمان خواجہ کی پہلی ڈبل سنچری،آسٹریلیا کا 46 سالہ شراکت ریکارڈ بھی ٹوٹ گیا،

سری لنکا کے خلاف ٹیسٹ میچ کے دوران عثمان خواجہ نے ڈبل سنچری کرنے کا اعزاز حاصل کیا، اس ڈبل سنچری کے ساتھ انہوں نے منفرد ریکارڈ بھی اپنے نام کر لیا۔

عثمان خواجہ آسٹریلیا کے پہلے بیٹر ہیں جنہوں نے سری لنکا کی سرزمین پر ڈبل سنچری بنائی، انہوں نے یہ ڈبل سنچری 290 گیندیں کھیل کر بنائی، عثمان خواجہ 232 رنز بنا کر آؤٹ ہوئے۔

گال میں وارن مرلی دھرن ٹرافی کے افتتاحی میچ کے دوسرے دن آسٹریلیا کے بلے بازوں نے سری لنکا کو تباہ کرکے رکھ دیا۔

آسٹریلیا کے کپتان اسٹیو اسمتھ اور اوپنر عثمان خواجہ نے گال میں سری لنکا کے خلاف پہلے ٹیسٹ میں تیسری وکٹ کی شاندار شراکت قائم کرتے ہوئے تقریباً نصف صدی پرانا ریکارڈ توڑ دیا۔.

خواجہ (215*) اور ڈیبیو کرنے والے جوش انگلس (58*) کے درمیان دوپہر کے کھانے کے بعد تک آسٹریلیا کا سکور 3-500 تھا۔۔خواجہ ٹیسٹ ڈبل سنچری بنانے والے دوسرے آسٹریلوی کھلاڑی بنے،پہلے سر ڈونلڈ بریڈمین تھے

واضح رہے کہ ان سے قبل ایشیا میں آسٹریلیا کے مارک ٹیلر، گریگ چیپل، ڈین جونز، میتھیو ہیڈن اور جیسن گلیسپی ڈبل سنچری سکور کر چکے ہیں، وہ ایشیا میں ڈبل سنچری بنانے والے آسٹریلیا کی جانب سے چھٹے کھلاڑی بن گئے ہیں۔