نیٹ فلکس پر پاک بھارت میچز پر مبنی ڈاکیومینڑی سیریز کا ٹریلر جاری
نیٹ فلکس انڈیا نے اپنی نئیڈاکیو مینٹری سیریز ‘دی گریٹیسٹ رائیولری: انڈیا بمقابلہ پاکستان’ کا ٹریلر جاری کر دیا۔
نیٹ فلکس نے اس سنسنی سے بھرپور ویب سیریز کو 7 فروری 2025 کو ریلیز کرنے کا اعلان کرتے ہوئے اس کا شاندار ٹریلر ریلیز کیا ،
یہ دستاویزی سیریز کرکٹ کی تاریخ کی سب سے بڑی اور شدید حریف ٹیموں، بھارت اور پاکستان کے درمیان مقابلوں کی تفصیلات پر روشنی ڈالے گی۔ ٹریلر کے آغاز میں شائقین سے بھرے ہوئے سٹیڈیم کی شاندار جھلکیاں دکھائی گئی ہیں ۔
بھارتی سابق کرکٹر وریندر سہواگ اس کا آغاز کرتے ہوئے کہتے ہیں کہ یہ مقابلہ محض ایک کھیل سے کئی زیادہ ہے ۔پاکستان کے سابق فاسٹ باؤلر شعیب اختر اس موقع پر کہتے ہیں کہ شائقین کرکٹ کی اس بڑی جنگ کے گواہ بننے کے لیے بے حد پرجوش ہوتے ہیں۔
علاوہ ازیں سوراو گانگولی، سنیل گواسکر، انضمام الحق اور شکھر دھون جیسے معروف کرکٹرز نے بھی اس تاریخی مسابقت کے جذباتی پہلوؤں پر روشنی ڈالی۔
