پاکستان ویمنزٹریننگ کیمپ اتوار کو انضمام الحق ہائی پرفارمنس سنٹر میں شروع ہوگا

پاکستان ویمنزٹریننگ کیمپ اتوار سے ملتان میں شروع۔

ملتان ; 30 جنوری۔ 

پاکستان کرکٹ بورڈ نے آئی سی سی ویمنز ورلڈ کپ کوالیفائر 2025 کی تیاری کے لیے ملتان میں پاکستانی خواتین کرکٹرز کے لیے 27 روزہ تربیتی کیمپ کا اعلان کیا ہے۔

کیمپ 2 فروری بروز اتوار کو انضمام الحق ہائی پرفارمنس سنٹر میں شروع ہوگا جبکہ کھلاڑی اور سپورٹ اسٹاف ہفتہ کو جمع ہوگا۔

پی سی بی کی 16 سینٹرل کنٹریکٹ یافتہ خواتین کرکٹرز سمیت کل 31 کھلاڑیوں کو تربیتی کیمپ میں مدعو کیا گیا ہے جس میں فٹنس ٹریننگ، مہارت میں اضافہ اور فروری کے مہینے میں 50 اوورز کے سات پریکٹس میچز کے باقاعدہ سیشنز شامل ہیں۔

کھلاڑی انضمام الحق ہائی پرفارمنس سینٹرمیں دستیاب اعلیٰ معیار کی سہولیات کا استعمال کریں گی جبکہ پریکٹس میچز ملتان کرکٹ سٹیڈیم میں کھیلے جائیں گے۔

پاکستان ویمنز ٹیم کے ہیڈ کوچ اور جولائی 2024 میں یہ ذمہ داری سنبھالنے والے سابق ٹیسٹ کرکٹر محمد وسیم کیمپ کی نگرانی کریں گے۔

پاکستان میگا ایونٹ کے لیے کوالیفائی کرنے کے لیے بنگلہ دیش، آئرلینڈ، اسکاٹ لینڈ، تھائی لینڈ اور ویسٹ انڈیز کے ساتھ آئی سی سی ویمنز ورلڈ کپ 2025 کوالیفائرز میں شرکت کرے گا۔ ٹورنامنٹ کی فائنلسٹ ٹیمیں آٹھ ٹیموں کے آئی سی سی ویمنز ورلڈ کپ کے لیے آئی سی سی ویمنز چیمپئن شپ 2022-25 کی ٹاپ چھ ٹیموں میں شامل ہوں گی۔

کیمپ کے کھلاڑیوں کی فہرست: بیٹرز عالیہ ریاض، عائشہ ظفر، ایمن فاطمہ، گل فیروزہ، گل رخ، حفصہ خالد، ارم جاوید، نتالیہ پرویز، صدف شمس، سائرہ جبین، شوال ذوالفقار، اور سدرہ امین۔

وکٹ کیپر – منیبہ علی، نجیہہ علوی اور سدرہ نواز

آل راؤنڈر – فاطمہ ثناء، عمیمہ سہیل، رامین شمیم، سیدہ عروب شاہ، اور طوبی حسن

اسپنرز – غلام فاطمہ، ماہ نور آفتاب، نشرہ سندھو، سعدیہ اقبال، تانیہ سعید، اور ام ہانی

فاسٹ بولرز – ڈیانا بیگ، فاطمہ خان، تسمیہ رباب، وحیدہ اختر، زیب النساء نیاز