پی ایس ایل ‘صوبائی وزیر کھیل سید فخر جہاں اور پی سی بی کے وفد کا دورہ ارباب نیاز کرکٹ سٹیڈیم
پی ایس ایل ‘صوبائی وزیر کھیل سید فخر جہاں اور پی سی بی کے وفد کا دورہ ارباب نیاز کرکٹ سٹیڈیم
پشاور(سپورٹس لنک رپورٹ) پشاور کے ارباب نیاز کرکٹ سٹیڈیم میں پی ایس ایل کے میچ منعقد کرنے کے حوالے سے تیاریوں کا جائزہ لیا گیا
اس سلسلے میں صوبائی وزیر کھیل سید فخر جہاں نے پی سی بی کے وفد کے ہمراہ سٹیڈیم کا دورہ کیا اس موقع پر ڈائریکیٹوریٹ آف سپورٹس کے حکام اور سیکیورٹی آفیسرز بھی موجود تھے
پی سی بی کے وفد نے سٹیڈیم کے مختلف حصے دیکھے اور سٹیڈیم میں کئے جانیوالے انتظامات کا جائزہ لیا ‘ پی سی بی کے وفد نے اس سلسلے میں وزیراعلیٰ خیبرپختونخوا علی امین گنڈاپور اور چیف سیکرٹری سے بھی ملاقات کی
اور سٹیڈیم کی تکمیل اور پی ایس ایل میچوں پر تبادلہ خیال کیا‘صوبائی حکومت ان کوششوں میں مصروف ہے کہ چند دنوں میں سٹیڈیم کو مکمل کیا جائے جس میں باقی ماندہ کام تیزی سے مکمل کیا جارہا ہے
اور امید کی جارہی ہے کہ سٹیڈیم جلد ہی حکومت کو ہینڈ اوور کر دیا جائے گا‘پی ایس ایل کے میچوں یا پریکٹس میچوں کے لئے بھی اس سٹیڈیم پر غور جاری ہے اور امید ہے کہ پشاور میں عوام کے لئے ضرور اپنے ہیروز کو دیکھنے کے لئے مواقع فراہم کئے جائیں گے۔
