کرکٹ

پریذیڈنٹ ٹرافی گریڈ ون : غنی گلاس کے جنید علی اور اسٹیٹ بینک کے رمیز عزیز کی سنچریاں

پریذیڈنٹ ٹرافی گریڈ ون : غنی گلاس کے جنید علی اور اسٹیٹ بینک کے رمیز عزیز کی سنچریاں۔

کراچی 7 فروری۔ پریذیڈنٹ ٹرافی گریڈ ون کے چھٹے راؤنڈ کے پہلے دن کھیل کی خاص بات غنی گلاس کے جنید علی اور اسٹیٹ بینک کے رمیز عزیز کی سنچریاں تھیں۔

راشد لطیف اکیڈمی گراؤنڈ میں پی ٹی وی نے واپڈا کے خلاف پہلے بیٹنگ کرتے ہوئے6 وکٹوں پر 375 رنز بنائے تھے۔وقارحسین 78 محمد شہزاد 74 اور محمد طحہ 59 رنز کے ساتھ نمایاں رہے۔
خالد عثمان نے 4 وکٹیں حاصل کیں۔

یوبی ایل اسپورٹس کمپلیکس میں ہائر ایجوکیش کی ٹیم ایس این جی پی ایل کے خلاف پہلی اننگزمیں 179 رنز بناکر آؤٹ ہوگئی۔محسن خان 37 رنز کے ساتھ ٹاپ اسکورر رہے۔ کاشف علی نے 56 رنز دے کر 5 وکٹیں حاصل کیں۔

ایس این جی پی ایل نے کھیل ختم ہونے پر 100 رنز بنائے تھے اور اس کی 7 وکٹیں گرچکی تھیں۔ عابدعلی نے 30 رنز اسکور کیے۔معاذ خرم نے تین وکٹیں حاصل کیں۔

کے سی سی اے اسٹیڈیم ۔ غنی گلاس نے کے آر ایل کے خلاف پہلے بیٹنگ کرتے ہوئے 9 وکٹوں پر 390رنز بنائے تھے۔ جنید علی نے20 چوکوں کی مدد سے 116 رنز اسکور کیے۔

انہوں نے49 رنز بنانے والے نعمان علی کے ساتھ ساتویں وکٹ کی شراکت میں145 رنزکا اضافہ کیا ۔شان مسعود نے 67 رنز اسکور کیے۔ جواد علی نے115 رنز دے کر 5 وکٹیں حاصل کیں۔

اسٹیٹ بینک اسٹیڈیم ۔اسٹیٹ بینک نے ایشال ایسوسی ایٹس کے خلاف پہلے بیٹنگ کرتے ہوئے 5وکٹوں پر 314 رنز بنائے تھے۔ رمیز عزیز نے21 چوکوں کی مدد سے 135 رنزپرناٹ آؤٹ ہیں ان کے ساتھ غازی غوری 30 رنز پر کھیل رہے ہیں دونوں چھٹی وکٹ کی شراکت میں99 رنز کا اضافہ کرچکے ہیں۔

رمیز عزیز نے فواد عالم کے ساتھ پانچویں وکٹ کی شراکت میں 130 رنز کا اضافہ کیا۔ فواد عالم نے 59 اور عمران بٹ نے 55رنز اسکور کیے۔

Related Articles

Back to top button