14ویں رشید ڈی حبیب گالف کا دوسرا دن: دفاعی چیمپین احمد بیگ نے برتری حاصل کرلی۔
کراچی – بینک الحبیب کا 14 واں رشید ڈی حبیب میموریل نیشنل پروفیشنل گالف ٹورنامنٹ کا دوسرا راؤنڈ جمعہ کے دن کراچی گالف کلب میں کھیلا گیا۔
سنسنی خیز مقابلے کے دو شدید راؤنڈز کے بعد رائل پام لاہور کے احمد بیگ نے مستقل مزاجی اور مہارت کا نمایاں مظاہرہ کرتے ہوئے، 135 (9 انڈر پار) کے مجموعی اسکور کے ساتھ لیڈر بورڈ پر سبقت حاصل کی۔ بیگ پچھلے سال سے اپنے ٹائٹل کا دفاع بھی کر رہے ہیں۔
راولپنڈی کے محمد منیر اور کراچی کے محمد زبیر 137 (7 انڈر پار) کے مشترکہ اسکور کے ساتھ دوسرے نمبر پر ہیں۔ دوسرے دن کے اختتام پر 141 (3 انڈر پار) کے مشترکہ اسکور کے ساتھ حمزہ تیمور امین، طلعت اعجاز اور مدثر اقبال چوتھے نمبر پر رہے۔
کھیل کے دو راؤنڈ باقی ہیں اور ٹائٹل کی دوڑ اب بھی جاری ہے۔ دوسرے دن کے کَٹ کے بعد، 52 پروفیشنل گالفرز تیسرے راؤنڈ تک پہنچنے میں کامیاب ہوئے ہیں۔ 32 سینئر پروفیشنل اور 23 جونیئر پروفیشنل آج، 8 فروری کو اپنا پہلا راؤنڈ کھیلیں گے۔
بینک الحبیب کا رشید ڈی حبیب میموریل نیشنل گالف ٹورنامنٹ پاکستان کے گالفنگ کیلنڈر کی ایک اہم چیمپین شپ ہے جو گالف کے فروغ میں بہترین کارکردگی کو فروغ دیتی ہے۔ چیمپئن شپ 9 فروری 2025 کو اختتام پذیر ہوگی جب فائنل راؤنڈ حتمی فاتح کا تعین کرے گا۔ (اختتام)
