ریٹائرمنٹ کی خبروں میں کوئی صداقت نہیں ، جلد مکمل فٹ ہوکر ٹیم کو جوائن کروں گا، فخر زمان

 فخر زمان کا کہنا ہے کہ ون ڈے فارمیٹ میرا پسندیدہ فارمیٹ ہے،

تھائی رائیڈ کی وجہ سے سوچا تھا کہ کرکٹ سے کچھ دیر بریک لوں۔

فخرزمان نے پی سی بی ڈیجیٹل کو انٹرویو میں کہا کہ میں نے بھی ریٹارئرمنٹ کے حوالے سے کافی خبریں سنی ہیں ،میری ریٹائرمنٹ کے حوالے سے خبریں غلط ہیں، ون ڈے فارمیٹ میرا پسندیدہ فارمیٹ ہے،

تھائی رائیڈ کی وجہ سے سوچا تھا کہ کرکٹ سے کچھ دیر بریک لوں، ابھی تک میرے ذہن میں ایسا کچھ نہیں ہے، میں چاہتا ہوں کہ ون ڈے اور ٹی ٹوئنٹی کرکٹ کھیلوں۔

انہوں نے کہا کہ انشاء اللہ ڈاکٹرز کی ہدایت کے مطابق ایک مہینے کے اندر اندر دوبارہ ٹریننگ شروع کروں گا، چیمپئنز ٹرافی بڑا ایونٹ ہے ، 2017 چیمپئنز ٹرافی کے ساتھ کافی یادیں ہیں،

میرے ذہین میں تھا کہ شاید یہ ٹورنامنٹ میرے لئے لکی ثابت ہو گا۔ ون ڈے فارمیٹ ایسا ہے جو میں پسند کر تا ہوں ، میں نے اس ٹورنامنٹ کے لئے خصوصی طور پر کافی کچھ سوچا ہوا تھا ۔

فخر زمان نے کہا کہ بیماری سے جب ٹھیک ہوا تو اسی ٹورنامنٹ کے لئے تیاری شروع کر دی تھی، ڈاکٹرز نے کہا تھا کہ آپ زیادہ وقت لو مگر میں نے پہلے ہی تیاری شروع کر دی تھی ،

میں سمجھتا ہوں کہ کافی مضبوط ہوں ، میرے اوپر کافی بار اس طرح کا وقت آیا ہے۔ اپنے جذبات پر قابو نہیں رکھ پاتا کبھی کبھی، بیٹے نے بھی کہاکہ تھا آپ درد میں کھیل رہے تھے۔

قومی ٹیم کے اوپنر نے کہا کہ جب انجری ہو گئی تو درد سے اندازہ ہو گیا تھا کہ میرے لئے چیمپئنز ٹرافی ختم ہو گئی ، نیوزی لینڈ کےخلاف اگر اوپننگ کرتا تھا تو شایدچیزیں مختلف ہوتیں،

زیادہ ٹارگٹ میں اوپنرز کا رول ہوتا ہے کہ پہلے 10 اوورز میں تیز رنز کریں ، انجری کے دوران فیلڈنگ اسی لئے کی تھی تاکہ اوپن کروں۔

فخرزمان نے کہا کہ کبھی کبھی لوگوں کی امیدیں زیاد ہ ہوتی ہیں مگر آپ کچھ کر نہیں سکتے ، میں نے ریڈبال پر بھی فوکس کیا مگر کوچز کی اپنی پلاننگ ہوتی ہے ،

ابھی بھی چاہتا ہوں کہ ریڈبال کھیلوں، آج کل اسٹرائیک ریٹ زیادہ ضروری ہے، اگر رسک لیتے ہیں تو رنز بن سکتے ہیں۔