پی ایف ایف کانگریس کا غیر معمولی اجلاس کل کو لاہور میں ہوگا

پی ایف ایف کانگریس کا غیر معمولی اجلاس کل 27 فروری کو لاہور میں ہوگا

فیفا اور ایشین فٹبال کنفیڈریشن کا اعلیٰ سطحی وفد اجلاس میں شرکت کرے گا ،

وفد میں اے ایف سی کے ڈپٹی جنرل سیکریٹری واحد کاردانی،

فیفا ایم اے گورننس کے سربراہ رالف ٹینر شامل

پاکستان فٹبال فیڈریشن کانگریس کا غیر معمولی اجلاس کل 27 فروری کو لاہور میں ہوگا جس میں فیفا اور ایشین فٹبال کنفیڈریشن (اے ایف سی) کا اعلیٰ سطحی وفد شرکت کرے گا۔

وفد میں اے ایف سی کے ڈپٹی جنرل سیکریٹری واحد کاردانی، فیفا ایم اے گورننس کے سربراہ رالف ٹینر، اے ایف سی ساؤتھ ایشیا یونٹ کے سربراہ پرشوتم کیٹل،

اے ایف سی ساؤتھ ایشیا یونٹ کے سینئر منیجر سونم جمی اور منیجر دنیش ڈی سلوا شامل ہیں۔

وفد کا مقصد کل ہونے والی کانگریس میٹنگ میں اہم فیصلوں کی نظرثانی کرنا ہے۔ کانگریس کی صدارت چیرمین نارملائزیشن کمیٹی و صدر پی ایف ایف سعود عظیم ہاشمی کریں گے، اراکین محمد شاہد نیاز کھوکھر اور حارث عظمت بھی ان کے ہمراہ ہوں گے۔

کانگریس کے ایجنڈے کے اہم جز میں فیفا اور اے ایف سی کی پی ایف ایف کے آئین میں مجوزہ آئینی ترامیم کے مطابق نظر ثانی اور 24 جنوری 2025 کو منعقدہ غیر معمولی کانگریس کے منٹس کی منظوری بھی شامل ہے۔

واضح رہے کہ پی ایف ایف کی معطلی کی بحالی آئنی ترامیم کی منظوری سے مشروط یے۔